বিগত দশকত ভাৰতৰ অনুসন্ধান আৰু বিকাশৰ ব্যয় দুগুণতকৈও অধিক: মন্ত্ৰী জীতেন্দ্ৰ সিং

ডিজিটেল ডেস্কঃ  ভাৰতৰ অনুসন্ধান আৰু বিকাশৰ মুঠ ব্যয় (জিইআৰডি) বিগত দশকত দুগুণতকৈও অধিক বৃদ্ধি পাইছে। কেন্দ্ৰীয় মন্ত্ৰী জিতেন্দ্ৰ সিঙে প্ৰকাশ কৰা অনুসৰি ২০১৩-১৪ চনত এই সংখ্যা আছিল ৬০,১৯৬ কোটি টকা। ইয়াৰ বিপৰীতে বৰ্তমান সময়ত গৱেষণা আৰু বিকাশৰ মুঠ ব্যয়ে ১,২৭,৩৮১ কোটি স্পৰ্শ কৰিছে। 

সোমবাৰে ইণ্ডিয়া হেবিটেট চেণ্টাৰত অনুষ্ঠিত ডিছা অনুষ্ঠানত ভাষণ দি কেন্দ্ৰীয় বিজ্ঞান আৰু প্ৰযুক্তি বিভাগৰ ৰাজ্যিক মন্ত্ৰীয়ে প্ৰধানমন্ত্ৰী নৰেন্দ্ৰ মোডীৰ নেতৃত্বত ভাৰতৰ অনুসন্ধান আৰু বিকাশৰ বিনিয়োগৰ উল্লেখযোগ্য বৃদ্ধিৰ ওপৰত আলোকপাত কৰে।

তেওঁ এই বৃদ্ধিৰ কাৰণ কৃত্ৰিম বুদ্ধিমত্তা, জৈৱ প্ৰযুক্তি, কোৱাণ্টাম কম্পিউটিঙৰ দৰে খণ্ডত উদ্ভাৱনক লাভান্বিত কৰাৰ বাবে চৰকাৰৰ দায়বদ্ধতা বুলি প্ৰকাশ কৰে। তেওঁ এই কথাত গুৰুত্ব আৰোপ কৰে যে চৰকাৰী সমৰ্থিত পদক্ষেপসমূহ বৈজ্ঞানিক উন্নতিৰ ক্ষেত্ৰত সহায়ক হৈছে আৰু ভাৰতক প্ৰযুক্তিগত উদ্ভাৱনৰ ক্ষেত্ৰত বিশ্বৰ আগশাৰীৰ দেশ হিচাপে স্থান দিছে।