২৫ বিত্তীয় বৰ্ষত প্ৰতিৰক্ষা ৰপ্তানি ২০৩ বিলিয়ন টকা হোৱাৰ সম্ভাৱনা

ডিজিটেল ডেস্ক: বিশ্বৰ পৰিৱৰ্তনৰ মাজতে ভাৰতৰ প্ৰতিৰক্ষা খণ্ড যথেষ্ট শক্তিশালী হোৱাৰ দিশে আগুৱাইছে। নুভামাৰ এক প্ৰতিবেদনত প্ৰকাশ পাইছে এই তথ্য। নুভামাৰ প্ৰতিবেদন অনুসৰি ২৫ বিত্তীয় বৰ্ষত প্ৰতিৰক্ষা ৰপ্তানি ২০৩ বিলিয়ন টকা হোৱাৰ সম্ভাৱনা আছে। আনহাতে বিত্তীয় বৰ্ষৰ ২৯লৈ ৫০০ বিলিয়ন টকাৰ চৰকাৰী লক্ষ্য হাতত লৈছে ভাৰতে।

ইফালে ইউৰোপীয় প্ৰতিৰক্ষাৰ আদেশ ২০২৬ চনৰ প্ৰথমাৰ্ধৰ পৰাই আৰম্ভ হ’ব পাৰে।  যদি এনে হয় তেন্তে প্ৰতিৰক্ষা খণ্ডৰ বাবে ই এক ডাঙৰ মাইলৰ খুঁটি হিচাপে চিহ্নিত হ'ব। ইউৰোপৰ উৎপাদন ক্ষেত্ৰত বাধাৰ প্ৰতি লক্ষ্য ৰাখি ভাৰতীয় প্ৰতিৰক্ষা কোম্পানীসমূহে বৰ্ধিত ৰপ্তানিৰ সুযোগক মূলধন হিচাপে ব্যৱহাৰ কৰিব পৰা অৱস্থাত আছে। ইফালে ইউৰোপৰ সীমিত স্থানীয় উৎপাদন ক্ষমতা আৰু কৰ্মশক্তিৰ নাটনিয়ে ভাৰতীয় প্ৰতিৰক্ষা নিৰ্মাতাসকলৰ বাবে খোজ দিয়াৰ দুৱাৰ মুকলি কৰি দিছে।

প্ৰতিবেদনত কোৱা হৈছে যে, "ইউৰোপৰ প্ৰতিৰক্ষা সম্প্ৰসাৰণ সীমিত স্থানীয় উৎপাদন ক্ষমতা আৰু দক্ষ কৰ্মশক্তিৰ অভাৱৰ বাবে বাধাগ্ৰস্ত হৈছে। বিশেষকৈ মহাকাশ আৰু ক্ষেপণাস্ত্ৰ যোগান শৃংখলত এই বাধা দেখা দিছে। ফলস্বৰূপে ইউৰোপীয় ৰাষ্ট্ৰসমূহে ভাৰতীয় প্ৰতিৰক্ষা নিৰ্মাতাসকলৰ সৈতে অংশীদাৰিত্ব আৰু সহযোগিতাৰ প্ৰতি ক্ৰমান্বয়ে চকু ৰাখিছে।"