ভাৰতৰ ইলেক্ট্ৰনিকছ ৰপ্তানিয়ে অতিক্ৰম কৰিছে ৪০ বিলিয়ন মাৰ্কিন ডলাৰ

ভাৰতৰ ইলেক্ট্ৰনিকছ ক্ষেত্ৰৰ বাবে এটা ভাল খবৰ। দেশৰ ইলেক্ট্ৰনিকছ ৰপ্তানি ৪০ বিলিয়ন মাৰ্কিন ডলাৰ অতিক্ৰম কৰিছে। এই পৰিসংখ্য়া বিগত ১১ বছৰত ৮গুণ বৃদ্ধি পাইছে

author-image
Asomiya Pratidin
New Update
new ap web 2

ডিজিটেল ডেস্কঃ ভাৰতৰ ইলেক্ট্ৰনিকছ ক্ষেত্ৰৰ বাবে এটা ভাল খবৰ। দেশৰ ইলেক্ট্ৰনিকছ ৰপ্তানি ৪০ বিলিয়ন মাৰ্কিন ডলাৰ অতিক্ৰম কৰিছে। এই পৰিসংখ্য়া বিগত ১১ বছৰত ৮গুণ বৃদ্ধি পাইছে। শনিবাৰে এই তথ্য সদৰি কৰিছে কেন্দ্ৰীয় মন্ত্ৰী অশ্বিনী বৈষ্ণৱে। কেন্দ্ৰীয় মন্ত্ৰীগৰাকীয়ে লগতে ঘৰুৱা ইলেক্ট্ৰনিকছৰ উৎপাদন ৬গুণ বৃদ্ধি পোৱাৰ কথাও আলোকপাত কৰে।

শনিবাৰে আইআইটি হায়দৰাবাদৰ চতুৰ্দশ সমাৱৰ্তন অনুষ্ঠানত ভাষণ প্ৰসংগত অশ্বিনী বৈষ্ণৱে ভাৰতৰ প্ৰথমখন বুলেট ট্ৰেইন প্ৰকল্পৰ দ্ৰুত অগ্ৰগতিৰ কথাও উল্লেখ কৰে। এই প্ৰকল্পটো ২০২৭ চনৰ আগষ্ট বা ছেপ্টেম্বৰৰ ভিতৰত কাৰ্যক্ষম হোৱাৰ সম্ভাৱনা আছে। ইফালে, এই বছৰতে প্ৰথমখন মেড ইন ইণ্ডিয়া অৰ্ধপৰিবাহী চিপ, বাণিজ্যিক স্কেলত নিৰ্মাণ কৰা হ’ব। মন্ত্ৰীগৰাকীয়ে ভাৰতে মূলধনী সঁজুলি আৰু অৰ্ধপৰিবাহীৰ বাবে প্ৰয়োজনীয় সামগ্ৰীৰ ওপৰত গুৰুত্ব বৃদ্ধি পোৱাৰ উদাহৰণ দি অনাগত বছৰবোৰত বিশ্বৰ শীৰ্ষ পাঁচখন অৰ্ধপৰিবাহী ৰাষ্ট্ৰৰ ভিতৰত অন্যতম হোৱাৰ পথত আগবাঢ়িছে বুলি আস্থা প্ৰকাশ কৰে।

কেন্দ্ৰীয় মন্ত্ৰীগৰাকীয়ে সদৰি কৰে যে, "মাত্ৰ ১১ বছৰত আমি আমাৰ ইলেক্ট্ৰনিকছ উৎপাদন ৬গুণ বৃদ্ধি কৰিছো।আমি আমাৰ ৰপ্তানি ৮গুণ বৃদ্ধি কৰিছো, ইলেক্ট্ৰনিকছ উৎপাদনত ৪০ বিলিয়ন মাৰ্কিন ডলাৰৰ ৰপ্তানি অতিক্ৰম কৰিছো, যিটো বৃদ্ধিৰ এক অসাধাৰণ গতি, যি আমাৰ আকাৰৰ অতি কম সংখ্যক দেশেই কেতিয়াও দেখা নাই।" এই বৃদ্ধিৰ কাৰণ প্ৰধানমন্ত্ৰী নৰেন্দ্ৰ মোডীৰ দৃষ্টিভংগী বুলি উল্লেখ কৰে অশ্বিনী বৈষ্ণৱে।

ইলেক্ট্ৰনিকছ অশ্বিনী বৈষ্ণৱ