২০২৩-২৪ বিত্তীয় বৰ্ষত ভাৰতৰ ঔষধ বজাৰৰ মূল্য ৫০ বিলিয়ন ডলাৰ স্পৰ্শ

ডিজিটেল ডেস্কঃ এটা চৰকাৰী সমীক্ষাত প্ৰকাশ পাইছে যে ২০২৩-২৪ বিত্তীয় বৰ্ষৰ বাবে ভাৰতৰ ঔষধ বজাৰৰ মূল্য ৫০ বিলিয়ন মাৰ্কিন ডলাৰ স্পৰ্শ কৰিছে । লগতে ঘৰুৱা ব্যৱহাৰৰ মূল্য ২৩.৫ বিলিয়ন মাৰ্কিন ডলাৰ আৰু ৰপ্তানিৰ মূল্য ২৬.৫ বিলিয়ন মাৰ্কিন ডলাৰলৈ বৃদ্ধি পাইছে ।

ভাৰতৰ ফাৰ্মা উদ্যোগ আয়তনৰ ফালৰ পৰা বিশ্বৰ তৃতীয় বৃহত্তম উদ্যাগ আৰু উৎপাদনৰ মূল্যৰ ক্ষেত্ৰত ১৪সংখ্যক স্থান দখল কৰিছে । জেনেৰিক ঔষধ, বাল্ক ঔষধ, ভেকচিন, বায়’চিমিলাৰ আৰু বায়’লজিকেল আদি ঔষধৰ ক্ষেত্ৰত ভাৰতৰ ফাৰ্মা উদ্যোগৰ স্থিতি অতি শক্তিশালী ।

পৰিসংখ্যা আৰু কাৰ্যসূচী ৰূপায়ণ মন্ত্ৰালয়ে প্ৰকাশ কৰা ৰাষ্ট্ৰীয় হিচাপ পৰিসংখ্যা ২০২৪ অনুসৰি উদ্যোগ অৰ্থাৎ ঔষধ, ঔষধ আৰু উদ্ভিদজাত সামগ্ৰীৰ বাবে মুঠ উৎপাদন ২০২২-২৩ বিত্তীয় বৰ্ষৰ বাবে ৪,৫৬,২৪৬ কোটি। ২০২২-২৩ বিত্তীয় বৰ্ষৰ ভিতৰত মুঠ ৯,২৫,৮১১ সংখ্যক ব্যক্তিয়ে ঔষধ, ঔষধ আৰু উদ্ভিদজাত সামগ্ৰী উদ্যোগত নিয়োজিত হৈ আছে।