প্ৰতিকূলতাৰ মাজতো সজীৱ ভাৰতীয় অৰ্থনীতিঃ ৰাষ্ট্ৰ সংঘত নীতি আয়োগৰ উপাধ্যক্ষ...

ডিজিটেল ডেস্কঃ প্ৰতিকূলতাৰ মাজতো ভাৰতৰ অৰ্থনৈতিক বিকাশ সমগ্ৰ বিশ্বৰ ভিতৰতে চকুত লগা। তথ্য-প্ৰযুক্তি, নীতিগত সংস্কাৰ আৰু সকলো শ্ৰেণীৰ সবলীকৰণৰ দ্বাৰা বৃদ্ধি পোৱা আৰ্থ-সামাজিক সূচকৰ সৈতে এক সজীৱ অৰ্থনীতি হিচাপে আত্মপ্ৰকাশ কৰিছে ভাৰতীয় অৰ্থনীতিয়ে। ভাৰতৰ অৰ্থনীতিক লৈ এইদৰে কয় নীতি আয়োগৰ উপাধ্যক্ষ সুমন বেৰীয়ে ।

যোৱা  সোমবাৰে ৰাষ্ট্ৰসংঘৰ মুখ্য কাৰ্যালয়ত বেৰীয়ে বহনক্ষম উন্নয়ন লক্ষ্যৰ বাবে উচ্চ পৰ্যায়ৰ ৰাজনৈতিক মঞ্চৰ মন্ত্ৰী খণ্ডত ভাষণ দিয়ে। তেওঁ কয় যে বিশ্বই উল্লেখযোগ্য অৰ্থনৈতিক পৰিৱৰ্তন আৰু অনিশ্চয়তাৰ সময়ছোৱাত আগবাঢ়িছে, যাৰ ফলত বহনক্ষম উন্নয়নৰ লক্ষ্যৰ ওপৰত আন্তঃৰাষ্ট্ৰীয় সম্প্ৰদায়ৰ সামূহিক কামক পূৰ্বতকৈ অধিক জটিল কৰি তুলিছে।

প্ৰবাহৰ যুগত ভাৰতে সৰ্বাংগীন ডিজিটেল প্ৰযুক্তি, নীতিগত সংস্কাৰ আৰু সমাজৰ সকলো শ্ৰেণীক সবলীকৰণৰ ওপৰত গুৰুত্ব আৰোপ কৰি সক্ষম কৰা আৰ্থ-সামাজিক সূচকসমূহৰ ক্ৰমাগতভাৱে উন্নতি সাধন কৰি এক সজীৱ গণতন্ত্ৰ হিচাপে থিয় দিছে বুলি বেৰীয়ে কয়।

ইয়াৰ উপৰিও তেওঁ কয় যে সমগ্ৰ গ্ল’বেল চাউথত পৰিৱৰ্তনৰ অনুঘটক হিচাপে ভাৰত প্ৰতিশ্ৰুতিবদ্ধ। বেৰীয়ে কয় যে পৰিসৰ, গতি আৰু স্থিৰতাৰ দ্বাৰা চিহ্নিত ভাৰতৰ উন্নয়ন যাত্ৰাই সহযোগী উন্নয়নশীল দেশসমূহৰ বাবে এক বিশ্বাসযোগ্য আৰু প্ৰতিলিপিযোগ্য পথ আগবঢ়াইছে।