মাৰ্চ ত্ৰৈমাসিকত ১৩.৫ বিলিয়ন ডলাৰৰ কাৰেণ্ট একাউণ্ট উদ্বৃত্তৰ অভিলেখ

ডিজিটেল ডেস্কঃ ২৫ বিত্তীয় বৰ্ষৰ চতুৰ্থ ত্ৰৈমাসিকত (জানুৱাৰী–মাৰ্চ) ভাৰতত ১৩.৫ বিলিয়ন ডলাৰ, জিডিপিৰ ১.৩% কাৰেণ্ট একাউণ্ট উদ্বৃত্ত ৰেকৰ্ড কৰা হৈছে। ভাৰতীয় ৰিজাৰ্ভ বেংকে শুকুৰবাৰে প্ৰকাশ কৰিছে এই প্ৰাৰম্ভিক তথ্য।

উল্লেখযোগ্য যে, ২০২৪-২৫ চনৰ অক্টোবৰ-ডিচেম্বৰ ত্ৰৈমাসিকত ১১.৩ বিলিয়ন ডলাৰ বা জিডিপিৰ ১.১% ঘাটিৰ পৰা বৃদ্ধি পায় এই পৰিসংখ্যা লাভ কৰিছে। মূলতঃ বাণিজ্যিক ব্যৱধান অধিক হোৱাৰ বাবে আৰু বিগত বছৰৰ একেটা ত্ৰৈমাসিকত ৪.৬ বিলিয়ন ডলাৰ (জিডিপিৰ ০.৫%) উদ্বৃত্তৰ পৰা দ্ৰুত বৃদ্ধি লাভ কৰিছে।

ইফালে, আৰ বি আইৰ তথ্যই দেখুৱাইছে যে ব্যৱসায়িক সামগ্ৰীৰ ৰপ্তানি মধ্যমীয়া হোৱাৰ বিপৰীতে চতুৰ্থ ত্ৰৈমাসিকত উদ্বৃত্তৰ কাৰণ হৈছে শক্তিশালী সেৱা ৰপ্তানি আৰু প্ৰাথমিক আয় একাউণ্টত কম নিকা আউটগো। ব্যৱসায় আৰু কম্পিউটাৰ সেৱাৰ বৃদ্ধিৰ ফলত এবছৰৰ পূৰ্বে ৪২.৭ বিলিয়ন ডলাৰৰ তুলনাত নেট সেৱাৰ লাভ ৫৩.৩ বিলিয়ন ডলাৰলৈ বৃদ্ধি পাইছে। তদুপৰি, বিদেশত বসবাস কৰা ভাৰতীয়সকলে প্ৰেৰণ কৰা ৰেমিটেন্স (ব্যক্তিগত স্থানান্তৰ) ৩১.৩ বিলিয়নৰ পৰা ৩৩.৯ বিলিয়ন ডলাৰলৈ বৃদ্ধি পাইছে।

যদিও সামগ্ৰীৰ বাণিজ্যত ঘাটি ৫২ বিলিয়নৰ পৰা ৫৯.৫ বিলিয়ন ডলাৰলৈ বৃদ্ধি পাইছে, তথাপি ২০২৫ বিত্তীয় বৰ্ষত ঘাটিৰ পৰিসৰ কমি ২৩.৩ বিলিয়ন ডলাৰ (জিডিপিৰ ০.৬%) হৈ পৰিছে, যি ২০২৪ বৰ্ষৰ ২৬ বিলিয়ন ডলাৰৰ (০.৭% GDP) তুলনাত উন্নত।