দেশত প্ৰতি ঘণ্টাত ৰুজু হয় নাৰী নিৰ্যাতনৰ ৫১ টা গোচৰ

ডিজিটেল ডেস্ক : দেশত প্ৰতি ঘণ্টাত ৰুজু হয় নাৰী নিৰ্যাতনৰ ৫১ টা গোচৰ। এই তথ্য সদৰী কৰিছে ৰাষ্ট্ৰীয় মানৱ অধিকাৰ আয়োগৰ অধ্যক্ষ ন্যায়াধীশ ভি ৰামসুব্ৰমণিয়ামে। 

লক্ষ্ণৌত আয়োজিত এক আলোচনাচক্ৰত অংশ লৈ অধ্যক্ষগৰাকীয়ে ৰাজহুৱা স্থানত মহিলাৰ সুৰক্ষাৰ ওপৰত গুৰুত্ব আৰোপ কৰে। তেওঁ কয়- ভাৰতত প্ৰতি ঘণ্টাত মহিলাৰ বিৰুদ্ধে নিৰ্যাতনৰ কমেও ৫১ টা গোচৰ ৰুজু হয়। 

যিখন দেশত মহিলাক দেৱীৰ ৰূপত পূজা কৰা হয়, সেইখন দেশত নাৰীৰ ওপৰত এনে নিৰ্যাতন মুঠও গ্ৰহণযোগ্য নহয় বুলি মন্তব্য কৰে।