হাজোত অবৈধ বেদখলকাৰীয়ে স্ব-ইচ্ছাই ত্যাগ কৰিলে চৰকাৰী ভূমি

ডিজিটেল সংবাদ, হাজোঃ সমগ্ৰ অসমৰ লগতে হাজোৰ প্ৰশাসনৰ চৰকাৰী ভূমি বেদখল মুক্ত কৰাৰ প্ৰক্ৰিয়া আৰম্ভ হৈছে। হাজোৰ ১ নং দোকানীয়া গ্ৰেজিং ৰিজাৰ্ভ অবৈধ ভাৱে বেদখল কৰা লোক সকলক বেদখল মুক্ত কৰাৰ বাবে হাজোৰ চক্ৰ বিষয়াই চৰকাৰী জাননী জাৰি কৰিছে। 

ইফালে, হাজোৰ চক্ৰ বিষয়াৰ পৰা বেদখল মুক্ত কৰাৰ জাননী পোৱাৰ লগে লগে  ১নং দোকানীয়া গ্ৰেজিং ৰিজাৰ্ভৰ বেদখলকাৰীৰ মাজত হাহাকাৰ পৰিস্থিতিৰ সৃষ্টি হৈছে। জাননী পোৱা মাত্ৰকে ঘৰ দুৱাৰ ভাঙি লৈ স্বইচ্ছাৰে ত্যাগ কৰিলে চৰকাৰী ভূমি। আনহাতে, মিলপাৰাৰ হায়দাৰ আলী নামৰ ভূ-মাফিয়াই ধনৰ বিনিময়ত চৰকাৰী ভূমি বিক্ৰীৰ কৰাৰ অভিযোগ উচ্ছেদিত পৰিয়ালৰ। 

সমগ্ৰ অসমতে‌ উচ্ছেদ কৰিবলৈ যোৱা আৰক্ষী প্ৰশাসনৰ সৈতে বেদখলকাৰীৰ আক্ৰমণ প্ৰত্যাক্ৰমণ আৰম্ভ হয় যদিও হাজোৰ গ্ৰজিং ৰিজাৰ্ভত শান্তি পূৰ্ণভাৱে স্ব-ইচ্ছাই ত্যাগ কৰিলে বেদখলকৃত ভূমি।