কঠীয়াতলীত পত্নীক হত্যা কৰি সন্তান লৈ উধাও ঘাতক স্বামী...

স্থানীয় লোক তথা আত্মীয়ৰ সন্দেহ উপজাত ঘৰৰ দৰ্জা ভাঙি মহিলাগৰাকীৰ মৃতদেহ প্ৰত্যক্ষ কৰে। মৃত মহিলা গৰাকী ৰমলা কোঁৱৰ। আত্মীয়ই প্ৰকাশ কৰা তথ্য মতে, দুদিন পূৰ্বেই সংঘটিত হৈছে এই ঘটনা।

author-image
Asomiya Pratidin
New Update
1

ডিজিটেল সংবাদ,কামপুৰঃ  নগাঁৱৰ কঠীয়াতলীৰ অন্তৰ্গত টুবুকী গ্রাণ্টত সংঘটিত হৈছে চাঞ্চল্যকৰ হত্যাকাণ্ড। পত্নীক হত্যা কৰি সন্তানক লৈ উধাও হৈছে এজন লোক। প্ৰাপ্ত তথ্য অনুসৰি, ডিম্বেশ্বৰ গগৈ নামৰ এজন লোকে নিজ পত্নীক হত্যা কৰি ৩ বছৰীয়া সন্তানক লৈ পলায়ন কৰে।

স্থানীয় লোক তথা আত্মীয়ৰ সন্দেহ উপজাত ঘৰৰ দৰ্জা ভাঙি মহিলাগৰাকীৰ মৃতদেহ প্ৰত্যক্ষ কৰে। মৃত মহিলা গৰাকী ৰমলা কোঁৱৰ। আত্মীয়ই প্ৰকাশ কৰা তথ্য মতে, দুদিন পূৰ্বেই সংঘটিত হৈছে এই ঘটনা। দুদিন ধৰি ঘৰৰ ভিতৰতে পৰি আছিল মহিলা গৰাকীৰ মৃতদেহ।

ইফালে মৃত মহিলা গৰাকীৰ দেহত আঘাতৰ চিন স্পষ্ট হৈ আছে। এই পৰ্যন্ত হত্যাকাণ্ডৰ কাৰণ জানিব পৰা হোৱা নাই যদিও ঘটনাস্থলীত আৰক্ষীৰ লোক লগে লগে উপস্থিত হৈ ইতিমধ্যে তদন্ত আৰম্ভ কৰিছে।

কঠীয়াতলী