২০৩০ত গৃহ নিৰ্মাণখণ্ডই পাৰ কৰিব ১৬ বিলিয়ন ডলাৰ

ডিজিটেল ডেস্ক : সুলভ মূল্যৰ গৃহ নিৰ্মাণখণ্ডই দেশত প্ৰপটেক বিনিয়োগক নতুন মাত্ৰা প্ৰদান কৰিছে। ২০৩০ চনৰ ভিতৰত এই খণ্ডত বিনিয়োগৰ পৰিমাণে ১৬ বিলিয়ন ডলাৰ স্পৰ্শ কৰিব। এইছ ডি এফ চি কেপিটেল, ব্ৰিগ্ৰেড ৰিপ আৰু নাইট ফ্ৰেংকৰ অধ্যয়ন অনুসৰি ২০২৩ত এই খণ্ডৰ বিনিয়োগ ৬ বিলিয়ন ডলাৰ যদিও ২০৩০ত সেই বিনিয়োগৰ ধন দুগুণতকৈ অধিক হ’ব।

শক্তিশালী চৰকাৰীখণ্ডৰ সমৰ্থন, ঐক্যবদ্ধ প্ৰচেষ্টাৰ সহায়ত ভাৰতে ভৱিষ্যতৰ বাবে এক শক্তিশালী ৰিয়েল ষ্টেট খণ্ড গঢ়ি তোলাই নহয়, ইয়াক লাভান্বিত আৰু আয়ৰ এক স্তৰলৈ নিব সক্ষম হৈছে। উল্লেখযোগ্য যে ৰিয়েল ষ্টেট খণ্ডই ভাৰতৰ অৰ্থনীতিত যথেষ্ট বৰঙণি যোগাই আছে। 

দেশৰ মুঠ ঘৰুৱা উৎপাদনৰ ২.৩ অংশ প্ৰতিনিধিত্ব কৰে এই ৰিয়েল ষ্টেট বজাৰে। সুলভ মূল্যত নগৰীয়া অঞ্চলত আবাস গৃহ ক্ৰয় কৰা লোকৰ সংখ্যাও বৃদ্ধি পাইছে। এই গৃহ নিৰ্মাণৰ প্ৰত্যাহ্বানৰে মোকাবিলা কৰিবলৈ নিৰ্মাণ আৰু বহন ক্ষমতাক একত্ৰিত কৰি পৰিৱৰ্তনশীল প্ৰযুক্তিয়ে ইয়াক আগুৱাই লৈ গৈছে।