মৃদুল ইছলামৰ মৃত্যুৰ ঘটনাৰ তদন্ত হ'বঃ মুখ্যমন্ত্ৰী

ডিজিটেল ডেস্কঃ অৱশেষত কংগ্ৰেছ নেতা মৃদুল ইছলামৰ মৃত্যুৰ তদন্ত ঘোষণা কৰিলে মুখ্যমন্ত্ৰী ড৹ হিমন্ত বিশ্ব শৰ্মাই। বৃহস্পতিবাৰে নিজ সামাজিক মাধ্যম এক্সৰ জৰিয়তে এই কথা সদৰি কৰে মুখ্যমন্ত্ৰীগৰাকীয়ে। লগতে এতিয়াৰে পৰা ৰাজভৱনৰ সন্মুখত কোনো প্ৰতিবাদৰ অনুমতি দিয়া নহ’ব বুলিও ঘোষণা কৰে মুখ্যমন্ত্ৰী শৰ্মাই।

উল্লেখ্য যে, বুধবাৰে কংগ্ৰেছৰ ৰাজভৱন চলো কাৰ্যসূচীৰ মাজতে সাংবাদিকৰ দলকো লক্ষ্য কৰি আৰক্ষীয়ে কন্দুৱা গেছ নিক্ষেপ কৰিছিল। এই ঘটনাত বহু কেইজন সাংবাদিক অসুস্থ হৈ পৰাৰ বিপৰীতে মৃদুল ইছলাম নামৰ কংগ্ৰেছ নেতাগৰাকীৰ মৃত্যু হৈছে। এই ঘটনাৰ বিৰুদ্ধে ৰাজ্যৰ বিভিন্ন প্ৰান্তত প্ৰতিবাদ সাব্যস্ত কৰিছে।