মহামৃত্যুঞ্জয় মন্দিৰৰ পৰা ছাগলী চুৰি কৰি ৰাইজৰ ৰোষত এনচিচি কেডাৰ...

ডিজিটেল সংবাদ,বঢ়মপুৰঃ নগাঁও জিলাৰ বঢ়মপুৰৰ ভেৰভেৰীস্থিত মহামৃত্যুঞ্জয় মন্দিৰত মঙলবাৰে সন্ধিয়া এক উত্তপ্ত পৰিস্থিতিৰ সৃষ্টি হয় । জানিব পৰা মতে মন্দিৰৰ চৌহদত বিচৰণ কৰা এটা ছাগলী চুৰি কৰাক কেন্দ্ৰ কৰি এই উত্তপ্ত পৰিস্থিতিৰ সৃষ্টি হয় ।

মন্দিৰত ভক্তই দান দিয়া এটা ছাগলী চাৰিচকীয়া বাহনত অহা চাৰিজনীয়া এটা দুৰ্বৃত্তৰ দলে চুৰি কৰিবলৈ চেষ্টা চলাওতে ৰাইজে প্ৰত্যক্ষ কৰি চাৰি ছাগলী চোৰক উত্তম-মধ্যম সোধাই । লগতে চুৰি কৰিবলৈ অনা এএছ০১বিডি-২৭৬৭ নম্বৰৰ বাহনখন ভাঙি চুৰমাৰ কৰে ।

উল্লেখ্য যে চাৰিওটা ছাগলী চোৰেই এন চি চিৰ কেডাৰ  । ইয়াৰে তিনিগৰাকী নেপালৰ আৰু এগৰাকী বঙাইগাঁৱৰ বুলি জানিব পৰা গৈছে । ইতিমধ্যে ঘটনাস্থলীত পুৰণিগুদাম পাৰঘাট আৰক্ষী চকীৰ এটা দল উপস্থিত হৈ চোৰকেইটাক আটক কৰে ।