গীতানগৰত আজৱ কাণ্ডঃ এগৰাকী মহিলাৰ নামত ভোট দি গ'ল অন্য লোকে...

তৃতীয় পৰ্যায়ৰ নিৰ্বাচনৰ ভোটগ্ৰহণত অঘটন।

মহানগৰীৰ এটা ভোটগ্ৰহণ কেন্দ্ৰত ভোটাধিকাৰ সাব্যস্ত কৰিবলৈ আহিছিল এগৰাকী মহিলা।

১২০নং গীতানগৰ হাইস্কুলৰ উত্তৰশাখা ভোটগ্ৰহণ কেন্দ্ৰত নাম আছিল মহিলাগৰাকীৰ।

ভোটগ্ৰহণ কেন্দ্ৰৰ নিৰ্বাচনী বিষয়াই জনালে তেওঁৰ ভোটাধিকাৰ সাব্যস্ত কৰা হৈছে বুলি।

এই কথাত আচৰিত হৈ পৰে মহিলাগৰাকী।

মালতী ডেকা নামৰ মহিলাগৰাকীয়ে সাব্যস্ত কৰা নাছিল ভোটাধিকাৰ।

তেওঁৰ হৈ আন কোনোবাই ভোটদান কৰা এই কাণ্ডক লৈ ভোটগ্ৰহণ কেন্দ্ৰটোত তীব্ৰ প্ৰতিক্ৰিয়া।

ঘটনাৰ গুৰুত্ব বুজি ভোটগ্ৰহণ কেন্দ্ৰটোৰ ভিতৰত বহুৱাই ৰাখিছে মহিলাগৰাকীক।

সমগ্ৰ ঘটনাক গাপ দিয়াৰ চেষ্টা ভোটগ্ৰহণ কেন্দ্ৰটোৰ নিৰ্বাচনী বিষয়াৰ।