পৰিয়ালৰ সৈতে সিদ্ধিবিনায়ক মন্দিৰ পৰিদৰ্শন প্ৰাক্তন ক্ৰিকেটাৰ গৌতম গম্ভীৰৰ

ডিজিটেল ডেস্কঃ জেঠ মাহটো হিন্দুসকলৰ বাবে আধ্যাত্মিকভাৱে উল্লেখযোগ্য সময়। ১৬ মে' কৃষ্ণৰ চতুৰ্থ দিন বা মাহৰ ক'লা পষেক। ভক্ত সকলে এই মাহটোত উপবাস কৰা লগতে আৰাধ্য দেৱতাক পূজা কৰে।  প্ৰতিটো হিন্দু মাহৰ চতুৰ্থী দিনটো গণেশক উৎসৰ্গা কৰা হয়।

এই উপলক্ষত বৃহস্পতিবাৰে ভাৰতীয় ক্ৰিকেট দলৰ প্ৰশিক্ষক তথা প্ৰাক্তন ক্ৰিকেটাৰ গৌতম গম্ভীৰে পৰিয়ালৰ সৈতে শ্ৰী সিদ্ধিবিনায়ক গণপতি মন্দিৰ প্ৰভাদেৱী ভ্ৰমণ কৰি গণেশ বাবাৰ আশীৰ্বাদ লয়। মন্দিৰৰ ট্ৰাষ্টী সদানন্দ সৰ্বাংকৰে তেওঁলোকক আদৰণি জনায়।

আগন্তুক ইংলেণ্ড ভ্ৰমণৰ গুৰুত্বপূৰ্ণ বাছনি বৈঠকৰ পূৰ্বে মুম্বাইৰ সিদ্ধিবিনায়ক মন্দিৰ পৰিদৰ্শন কৰে ভাৰতৰ প্ৰশিক্ষক গৌতম গম্ভীৰে। ২০ জুনত আৰম্ভ হ’বলগীয়া পাঁচখন টেষ্ট মেচৰ ধাৰাবাহিকতাৰ বাবে ইংলেণ্ডলৈ ভাৰতীয় যুৱ দল এটাক নেতৃত্ব দিবলৈ সাজু হৈছে গম্ভীৰ।

উল্লেখ্য যে, ইংলেণ্ড ভ্ৰমণৰ পৰা আৰম্ভ কৰি টেষ্টত ভাৰতীয় ক্ৰিকেট দলৰ ভৱিষ্যতৰ সিদ্ধান্ত লোৱাৰ বাবে বৃহস্পতিবাৰে বিচিচিআইৰ নিৰ্বাচকসকলৰ সৈতে গম্ভীৰে সাক্ষাৎ কৰাৰ সম্ভাৱনা আছে। টেষ্টত নতুন ভাৰতীয় অধিনায়ক আৰু পাঁচখন খেলৰ শৃংখলাৰ বাবে দলৰ সন্দৰ্ভত সিদ্ধান্ত ল’বলৈ গম্ভীৰ আৰু নিৰ্বাচক দল বৈঠকত মিলিত হ’ব।