বাক্সাৰ অহোপাত বিনামূলীয়া চিকিৎসা শিবিৰ…

ডিজিটেল সংবাদ, বাক্সা : বাক্সা জিলাৰ মুছলপুৰৰ সমীপৱৰ্তী অহোপাত মঙলবাৰে অসম চেণ্টাৰ ফৰ ৰুৰেল ডেভেলপমেন্ট চমুকৈ এ চি আৰ ডি নামৰ সংস্থাটোৰ উদ্যোগত বিশেষ চিকিৎসা শিবিৰ অনুষ্ঠিত কৰা হয়। এছ বি আই সঞ্জীৱনী প্ৰকল্পৰ সহযোগত অনুষ্ঠিত হয় এই চিকিৎসা শিবিৰটো। 

শিবিৰটিত গুৱাহাটীৰ নাৰায়ণা হাস্পতালৰ চিকিৎসসকলে ভালেসংখ্যক ৰোগীক কেতবোৰ পৰামৰ্শ আগবঢ়ায় । এই শিবিৰতে ৰোগীৰ প্ৰাথমিক পৰীক্ষা-নিৰীক্ষা আৰু ঔষধ বিনামূলীয়াকৈ প্ৰদান কৰে সংস্থাটোৱে । 

উল্লেখযোগ্য যে, আজিৰ এই শিবিৰটিত প্ৰায় দুই শতাধিক ৰোগীয়ে চিকিৎসা সম্পৰ্কীয় পৰামৰ্শ আৰু ঔষধ গ্ৰহণ কৰে ।