উদগম ফাউণ্ডেচনৰ সৌজন্যত বিনামূলীয়া স্বাস্থ্য পৰীক্ষা শিবিৰ সম্পন্ন

ডিজিটেল সংবাদ, গুৱাহাটীঃ পূব কৃষ্ণনগৰ জাপৰিগোগস্থিত কৃষ্ণনগৰ বিদ্যাপীঠ হাইস্কুলত এপল' এক্সেল কেয়াৰৰ সহযোগত তথা উদগম ফাউণ্ডেচনৰ সৌজন্যত ৭ ডিচেম্বৰত এটি বিনামূলীয়া স্বাস্থ্য পৰীক্ষণ শিবিৰ সফলতাৰে সম্পন্ন হয়। ১৫০ ৰো অধিক লোকে অংশগ্ৰহণ কৰা এই শিবিৰ পুৱা দহ বজাৰ পৰা আৰম্ভ হৈছিল ।

এপল' এক্সেল কেয়াৰৰ এদল চিকিৎসকে বিভিন্ন লোকৰ ৰক্তচাপ,মধুমেহ, ইলেক্ট্ৰ’কাৰ্ডিঅ’গ্ৰাম(ECG), উচ্চতা আৰু ওজন পৰীক্ষণ কৰাৰ লগতে চিকিৎসক আৰু ডায়েটেচিয়ানে পৰামৰ্শদান কাৰ্যসূচী ৰূপায়ণ কৰে। এই শিবিৰে অঞ্চলটোৰ জনসাধাৰণক বিশেষভাৱে উপকৃত কৰে।

সকলোৰে সহায়-সহযোগিতাত উদগম ফাউণ্ডেচনে সন্তুষ্টি ব্যক্ত কৰে আৰু অনাগত দিনতো এনে শিবিৰ আয়োজন কৰি যাব বুলি জানিবলৈ দিয়ে ।