বন শ্বহীদ দিৱস উদযাপন...

ডিজিটেল সংবাদ, লখিমপুৰঃ ৰাজ্যৰ বন বিভাগৰ উদ্যোগত ৰাজ্যজুৰি দেওবাৰে ১৮ সংখ্যক বন শ্বহীদ দিৱস উদযাপন কৰা হয় ৷ ১১ চেপ্তেম্বৰৰ দিনটো ৰাজ্যৰ বন কৰ্মী সকলে শ্বহীদ দিৱস হিচাবে উদযাপন কৰি আহিছে ৷

কৰ্তব্যৰ খাতিৰত আত্ম বলিদান দিয়া বন কৰ্মী সকলৰ আত্মাৰ সদগতিৰ অৰ্থে এই দিৱস উদযাপন কৰা হয় ৷ তদুপলক্ষে লখিমপুৰ আঞ্চলিক বন বিষয়াৰ কাৰ্যালয়ত দেওবাৰে জিলাখনৰ বন বিষয়া সকল উপস্থিত হৈ ৰাজ্যৰ ২১৯ গৰাকী বন শ্বহীদলৈ শ্ৰদ্ধাঞ্জলী জ্ঞাপন কৰে ৷

শ্বহীদ বেদীত শ্বহীদ তৰ্পন লগতে শ্বহীদ সকলৰ আত্মাৰ সদগতিৰ অৰ্থে মৌন প্ৰাৰ্থনা আৰু এফাঁকি ঘোষাৰে শ্বহীদ সকললৈ শ্ৰদ্ধা নিবেদন কৰে বন বিষয়া সকলে ৷