ডিজিটেল সংবাদ ঢকুৱাখনা: অসম আৰক্ষী দিৱস ২০২২ আৰু লখিমপুৰ জিলা দিৱস উপলক্ষত লখিমপুৰ জিলা আৰক্ষী প্ৰশাসনে জিলাখনৰ আৰক্ষী থানাসমূহৰ মাজত অনুষ্ঠিত কৰিছে ফুটবল লীগ প্ৰতিযোগিতা ।বুধবাৰে জিলাখনত আৰম্ভ হোৱা এই প্ৰতিযোগিতাৰ গ্ৰুপ 'এ' ৰ খেলখন অনুষ্ঠিত হয় সোৱণশিৰী মহাবিদ্যালয় খেল পথাৰ প্ৰাংগণত ।
পানীগাঁও আৰক্ষী থানা আৰু বগীনদী আৰক্ষী থানাৰ মাজত অনুষ্ঠিত প্ৰথমখন খেলত পানী গাঁও আৰক্ষী দলে বগীনদী আৰক্ষী থানা দলক ৪-০ গ'লৰ ব্যৱধানত পৰাজিত কৰে । অন্যহাতে এই গ্রুপৰ দ্বিতীয়খন খেলত ঘিলামৰা আৰক্ষী থানা দলে ঢকুৱাখনা আৰক্ষী থানা দলক ২-১ গ'লৰ ব্যৱধানত পৰাজিত কৰে ।
উল্লেখ্য যে, লখিমপুৰ জিলাৰ আৰক্ষী অধীক্ষক ডঃ বেদান্ত মাধৱ ৰাজখোৱাৰ বিশেষ উদ্যোগত আৰু অতিৰিক্ত আৰক্ষী অধীক্ষক (মুখ্য কাৰ্য্যালয়) ৰুণা নেওগৰ নেতৃত্বত জিলাখনৰ লখিমপুৰ , বিহপুৰীয়া, ঢকুৱাখনা, পানীগাঁও ,বগীনদী , ঘিলামৰা, লালুক আৰু নাৰায়নপুৰ থানাসমূহক সামৰি অনুষ্ঠিত হোৱা ফুটবল লীগ প্ৰতিযোগিতাখনৰ ১ অক্টোবৰত চূড়ান্ত খেল অনুষ্ঠিত হ'ব ।
