দেশৰ স্বাস্থ্যসেৱাত বৈদেশিক বিনিয়োগৰ ৫০% অংশীদাৰ চিকিৎসালয়খণ্ড

ডিজিটেল ডেস্কঃ প্ৰত্যক্ষ বৈদেশিক বিনিযোগৰ ক্ষেত্ৰত স্বাস্থ্যখণ্ডৰ উত্থান বহু পৰিমাণে বৃদ্ধি পাইছে । এইক্ষেত্ৰত চিকিৎসালয়সমূহৰ ভূমিকা লক্ষণীয় । চিকিৎসালয়সমূহে দেশৰ স্বাস্থ্যখণ্ডক নিয়ন্ত্ৰণ কৰি থকা বুলি ক’লেও ভুল কোৱা নহ’ব ।

প্ৰত্যক্ষ বৈদেশিক বিনিয়োগৰ ৫০ শতাংশ অংশীদাৰীত্বই লাভ কৰে দেশৰ  চিকিৎসালয়সমূহে। ২০২৪ বিত্তীয় বৰ্ষত দেশৰ চিকিৎসালয়ত বিনিয়োগ কৰা ধনৰ পৰিমাণে স্পৰ্শ কৰে ১.৫ বিলিয়ন ডলাৰ । এই পৰিমাণ ২০২১ বৰ্ষৰ বিনিয়োগৰ পৰিমাণৰ দুগুণতকৈয়ো অধিক ।

উল্লেখযোগ্য যে ক’ভিডৰ ভয়াবহ পৰিস্থিতিৰ পিছত ভাৰতবৰ্ষত চিকিৎসালয়সমূহত বিনিয়োগৰ গতি ত্বৰান্বিত হৈছে । ভাৰতবৰ্ষৰ মুক্ত বজাৰ বৈদেশিক নীতি তথা   নাগৰিকৰ প্ৰয়োজনীয়তা অনুভৱ কৰি বহিৰাগত বিনিয়োগকাৰীয়ে দেশৰ স্থাস্থ্যখণ্ডত বিনিয়োগ কৰিবলৈ তৎপৰতা প্ৰকাশ কৰিছে ।