Advertisment

জামুগুৰিহাটত গণৰাজ্য দিৱস উদযাপনৰ ব্যাপক প্ৰস্তুতি

গণৰাজ্য দিৱসলৈ মাজত মাথোঁ এটা দিন । শোণিতপুৰ জিলাৰ নদুৱাৰত ৭৬ সংখ্যক গণৰাজ্য দিৱস উদযাপনৰ চলিছে ব্যাপক প্ৰস্তুতি ...

author-image
Asomiya Pratidin
New Update
জামুগুৰিহাটত গণৰাজ্য দিৱস উদযাপনৰ ব্যাপক প্ৰস্তুতি

জামুগুৰিহাটত গণৰাজ্য দিৱস উদযাপনৰ ব্যাপক প্ৰস্তুতি

ডিজিটেল সংবাদ, জামুগুৰিহাট : গণৰাজ্য দিৱসলৈ মাজত মাথোঁ এটা দিন । শোণিতপুৰ জিলাৰ নদুৱাৰত ৭৬ সংখ্যক গণৰাজ্য দিৱস উদযাপনৰ চলিছে ব্যাপক প্ৰস্তুতি ৷  

Advertisment

নদুৱাৰ অঞ্চলৰ প্ৰাণকেন্দ্ৰ স্বৰূপ জামুগুৰিহাটৰ পৰিদৰ্শন ভৱনৰ কাষৰ কেন্দ্ৰীয় ব'হাগী মেলা বাকৰিত নদুৱাৰ সমজিলা প্ৰশাসনৰ উদ্যোগত গণৰাজ্য দিৱসৰ এই ব্যাপক আয়োজন চলিছে । নদুৱাৰ সমজিলা গঠন হোৱাৰ পিছত পোন প্ৰথমবাৰৰ বাবে অনুষ্ঠিত হ'বলগীয়া গণৰাজ্য দিৱসৰ অনুষ্ঠানত অসম আৰক্ষীৰ ১২ নং বেটেলিয়নৰ উপৰিও অঞ্চলটোৰ বিদ্যালয়, মহাবিদ্যালয়, এন চি চি আদিকে ধৰি আন কেইবাটাও দলে গণৰাজ্য দিৱসৰ পেৰেডত অংশগ্ৰহণ কৰিব ।

তাৰ লগতে টাইকোৱাণ্ডো, উশ্বু আদি খেলৰ প্ৰদৰ্শনৰ উপৰিও নৃত্য- গীতৰ অনুষ্ঠানো অনুষ্ঠিত হ'ব বুলি জানিব পৰা গৈছে ৷ গণৰাজ্য দিৱসৰ দিনটোত যাতে কোনোধৰণৰ কূটাঘাতমুলক কাৰ্য্য সংঘটিত নহয় তাৰ প্ৰতিও আৰক্ষী প্ৰশাসন সষ্টম হৈ আছে বুলি সমজিলা আয়ুক্ত ৰাজ বৰুৱাই জানিবলৈ দিছে ৷

jamugurihat republic day