ধুবুৰীত জব্দ নিচাজাতীয় সামগ্ৰী, আটক মহিলাসহ দুই যুৱক

ডিজিটেল সংবাদ, ধুবুৰীঃ ধুবুৰী জিলাৰ গৌৰীপুৰ আৰক্ষীৰ ড্ৰাগছ বিৰোধী অভিযান। এই অভিযানত আটক এগৰাকী মহিলাসহ আন দুজন যুৱক। বুধবাৰে পুৱতি নিশা গৌৰীপুৰ আৰক্ষী থানাৰ ভাৰপ্ৰাপ্ত আৰক্ষী বিষয়া চিৰঞ্জীৱ লাহনৰ নেতৃত্বত এক গোপন তথ্যৰ ভিত্তিত গৌৰীপুৰ দামপুৰ ২য় খণ্ড গাঁৱৰ জেলেকা খাতুন নামৰ এগৰাকীৰ মহিলাৰ বাসগৃহত অভিযান চলাইছিল। এই অভিযানত ৪৫.৮২  গ্ৰাম ব্ৰাউন চুগাৰসহ তিনিটাকৈ মোবাইল ফোন আৰু ১৩ হেজাৰ ৪০০ টকা নগদ ধন জব্দ কৰিবলৈ সক্ষম হয়।

গৌৰীপুৰ আৰক্ষীয়ে জেলেকা খাতুনৰ লগতে ৰেজ্জাক আলী আৰু সাহাদত আলী নামৰ আন দুজন যুৱকো আটক কৰে। অভিযোগ অনুসৰি, জেলেকা খাতুনে দীৰ্ঘ দিনধৰি অবৈধ ড্ৰাগছ বিক্ৰী কৰিছিল। বৰ্তমান আৰক্ষীয়ে মহিলাসহ যুৱক দুজনক আটক কৰি থানালৈ আনি অধিক তথ্যৰ বাবে তদন্ত অব্যাহত ৰাখিছে।