নগাঁও বিশ্ববিদ্যালয়ৰ উপাচাৰ্য হিচাপে দায়িত্ব গ্ৰহণ ড০ হিতেশ ডেকাৰ

ডিজিটেল সংবাদ,নগাঁওঃ শনিবাৰে নগাঁও বিশ্ববিদ্যালয়ৰ উপাচাৰ্য হিচাপে দায়িত্ব গ্ৰহণ কৰে ড০ হিতেশ ডেকাই। নৱনিযুক্ত উপাচাৰ্যগৰাকীক আদৰণি জনাই স্থানীয় বিধায়ক ৰূপক শৰ্মাই। বিশিষ্ট শিক্ষাবিদ, সাহিত্যিক ড০ হিতেশ ডেকাক লৈ উৎফুল্লিত হৈ পৰিছে নগাঁও বিশ্ববিদ্যালয়ৰ পৰিয়াল । 

উল্লেখযোগ্য যে, নগাঁও মহাবিদ্যালয়কে ধৰি অসম চৰকাৰে ৰাজ্যৰ ৭ খন মহাবিদ্যালয়ক বিশ্ববিদ্যালয়লৈ উন্নীত কৰিছে । ইয়াৰ পূৰ্বে ড০ হিতেশ ডেকা নগাঁৱৰ মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ লগতে কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ উপাচাৰ্য হিচাপেও কাৰ্যনিৰ্বাহ কৰিছিল ।