আধাৰ প্ৰমাণীকৰণত অসমৰ ব্যতিক্ৰমী অৱদানৰ বাবে নতুন দিল্লীত DITECক সন্মানিত...

ডিজিটেল ডেস্কঃ নতুন দিল্লীত ভাৰত মণ্ডপনত ভাৰতীয় একক চিনাক্তকৰণ প্ৰাধিকৰণে চমুকৈ UIDAIএ অনুষ্ঠিত কৰা ৰাষ্ট্ৰীয় পৰ্যায়ৰ এখনি আলোচনাচক্ৰৰ আয়োজন কৰে। “Aadhaar Samvaad”-শীৰ্ষক এই আলোচনা চক্ৰখনিত দেশৰ বিভিন্ন প্ৰান্তৰ গুৰুত্বপূৰ্ণ অংশীদাৰসকলক একত্ৰিত কৰি আধাৰৰ পৰিৱৰ্তনশীল ভূমিকা আৰু ইয়াৰ বিকাশশীল পৰিৱেশ তন্ত্ৰৰ ওপৰত আলোচনা কৰা হয়।

এই গাম্ভীৰ্যপূৰ্ণ অনুষ্ঠানতে উত্তৰ-পূব অঞ্চলৰ আধাৰ প্ৰমাণীকৰণ (প্ৰমাণীকৰণ) পৰিৱেশ তন্ত্ৰক শক্তিশালী কৰাৰ ক্ষেত্ৰত দৃষ্টান্তমূলক ভূমিকা লোৱাৰ বাবে অসম চৰকাৰৰ তথ্য প্ৰযুক্তি, বৈদ্যুতিন আৰু যোগাযোগ বিভাগক স্বীকৃতিৰ প্ৰমাণ পত্ৰ প্ৰদান কৰা হয়। 

বিভাগৰ হৈ এই বঁটা লাভ কৰে ডিটেক( DITEC)ৰ সঞ্চালক আই এ এছ শ্ৰীযুত অশ্বিনী কুমাৰে। এই স্বীকৃতিয়ে অসম আৰু  উত্তৰ-পূৰ্বাঞ্চলৰ সৰ্বাংগীন উন্নয়নক আগুৱাই নিয়াৰ বাবে ডিজিটেল আন্তঃগাঁথনি আৰু অধিক সুদৃঢ় কৰাত ডিটেকে অবিৰতভাৱে কাম কৰি যাব বুলি উল্লেখ কৰে অশ্বিনী কুমাৰে।