জিলা আইন সেৱা প্ৰাধিকাৰী নগাঁৱৰ উদ্যোগত পীড়িত লোকক অৰ্থ সাহায্যৰ চেক প্ৰদান

ডিজিটেল সংবাদ,বেবেজীয়া : নগাঁও জিলা আইন সেৱা প্ৰাধিকাৰীৰ উদ্যোগত সোমবাৰে নগাঁও জিলা আদালত চৌহদৰ প্ৰাংগনত জিলাখনৰ ভিন্ন প্ৰান্তৰ বিভিন্ন কাৰণত পীড়িত লোক সকলৰ মাজত অৰ্থ সাহায্যৰ চেক প্ৰদান কৰা হয় ৷ এই অৰ্থ সাহায্যৰ চেক প্ৰদান কাৰ্যসূচীত আজি সৰ্ব্বমুঠ ৩৯ গৰাকী পীড়িত লোক আৰু তেওঁলোকৰ পৰিয়ালৰ মাজত  ১,০৪৩,৯৫০০ টকাৰ অৰ্থ সাহায্যৰ চেক সমূহ প্ৰদান কৰা হয় ৷

জিলা আইন সেৱা প্ৰাধিকাৰী নগাঁৱৰ সম্পাদিকা মুনমী নেওঁগে সামগ্ৰীকভাৱে আঁত ধৰা অৰ্থ সাহায্য প্ৰদানৰ অনুষ্ঠানটিত নগাঁও জিলা ও সত্ৰ ন্যায়াধীশ তথা জিলা আইন সেৱা প্ৰাধিকাৰীৰ অধ্যক্ষ বিশ্বজিৎ চক্ৰৱৰ্তী,মুখ্য ন্যায়িক দণ্ডাধীশ প্ৰণৱ শৰ্মাকে প্ৰমুখ্য কৰি নগাঁও আদালতৰ অন্যান্য অধিষ্ঠাতা বিষয়াসকল উপস্থিত থাকে ৷