মুছলপুৰত আত্মনিয়োগ সংযুক্ত প্ৰশিক্ষণৰ সঁজুলি আৰু চিলাই মেচিন বিতৰণ

ডিজিটেল সংবাদ, বাক্সা : বিটিআৰ চৰকাৰৰ দক্ষতা, নিয়োগ আৰু উদ্যোগীকৰণ বিকাশ অভিযানৰ অধীনত ২০২৪-২৫ বিত্তীয় বৰ্ষত অনুষ্ঠিত হৈছিল আত্মনিয়োগ সংযুক্ত অনাবাসিক প্ৰশিক্ষণ কাৰ্যসূচী । এই প্ৰশিক্ষণ গ্ৰহণ কৰা প্ৰশিক্ষাৰ্থীসকলৰ মাজত সঁজুলি কিট বিতৰণৰ উদ্দেশ্য বৃহস্পতিবাৰে বাক্সা জিলাৰ মুছলপুৰস্থিত মুছলপুৰ মহাবিদ্যালয় প্ৰেক্ষাগৃহত এক সঁজুলি কিট বিতৰণী সভা অনুষ্ঠিত হয় ।

এই সভাত  উপস্থিত থাকি বিটিচিৰ কাৰ্যবাহী সদস্য উইলছন হাছদাই কয় যে, বিটিআৰ প্ৰধান প্ৰমোদ বড়োৰ নেতৃত্বত নিৱনুৱা যুৱক-যুৱতী তথা মহিলাসকলৰ বাবে দক্ষতা বিকাশ প্ৰশিক্ষণৰ জৰিয়তে স্বাৱলম্বী হোৱাৰ পথ প্ৰশস্ত হৈছে । ইলেক্ট্ৰিচিয়ান, প্লাম্বাৰ, ট্ৰেইলৰিং ইত্যাদিৰ প্ৰশিক্ষণ ইতিমধ্যে দিয়া হৈছে বুলি মন্তব্য কৰি কাৰ্যবাহী সদস্য গৰাকীয়ে পূৰ্বে প্ৰশিক্ষণপ্ৰাপ্ত সকলক আজি চাৰ্টিফিকেট আৰু চিলাই মেচিনৰ লগতে সঁজুলি কিট বিতৰণ কৰা বুলি জানিবলৈ দিয়ে ।

ইফালে কাৰ্যবাহী সদস্য ৰাকেশ ব্ৰহ্মই যুৱক-যুৱতী সকলক স্বাৱলম্বী কৰাৰ ক্ষেত্ৰত বিটিআৰ চৰকাৰে বিভিন্ন আঁচনি প্ৰণয়ণ কৰা বুলি মন্তব্য কৰে ।