গৰমৰ বাবে সলনি হ'ল চাহ বাগিছাৰ দৈনিক কৰ্মসূচী

ডিজিটেল ডেস্কঃ গৰমে দহিছে ৰাজ্যবাসীক। উৎকট গৰমৰ বাবে সলনি হল চাহ বাগিছাৰ দৈনিক কৰ্মসূচী। এতিয়াৰে পৰা পুৱা ৬ বজাৰ পৰা বিয়লি ২বজালৈ চাহ বাগানত কাম কৰিব লাগিব চাহ শ্রমিকে। অসম চৰকাৰৰ শ্রমিক কল্যাণ বিভাগে জাৰি কৰিছে এই নির্দেশনা।

অত্যাধিক গৰমৰ বাবে অসম চৰকাৰৰ শ্ৰম বিভাগে ৰাজ্যৰ চাহ শ্রমিকৰ বাবে এই বিশেষ নিৰ্দেশনা জাৰি কৰিছে। উল্লেখযোগ্য যে, পূৰ্বে চাহ বাগিছাত কাম কৰা শ্ৰমিকৰ দৈনিক কৰ্মসুচী ৰাতিপুৱা ৮বজাৰ পৰা আবেলি ৪ বজালৈ আছিল। কিন্তু অত্যাধিক গৰমৰ বাবে সলনি কৰা হৈছে এই সময়সূচী।