/asomiyapratidin/media/media_files/2025/07/26/1-2025-07-26-14-51-01.jpg)
ডিজিটেল সংবাদ,শ্ৰীভূমিঃ আজি দক্ষিণ কৰিমগঞ্জৰ নিলাম বজাৰ আঞ্চলিক পঞ্চায়ত দখল কৰিবলৈ সক্ষম হ'ল কংগ্ৰেছ দল। আঞ্চলিক পঞ্চায়ত দখলত বিজেপিৰ সকলো প্ৰচেষ্টাক পৰাস্ত কৰি ফৰিদপুৰ আচিমগঞ্জ জিপিৰ আঞ্চলিক পঞ্চায়ত সদস্য জেৰিন ৰছিমা ইয়াছমিন নিলামবজাৰ আঞ্চলিক পঞ্চায়তৰ সভাপতি হিচাপে নিৰ্বাচিত হয়।
ফতেহপুৰ জনকল্যাণ জিপিৰ এপি সদস্য নেজাম উদ্দিনে উপ-সভাপতি পদত জয়লাভ কৰে। সেয়ে তেওঁৰ জয়ৰ আঁৰত আটাইতকৈ বেছি কৃতিত্ব লাভ কৰা এজন ব্যক্তি হ’ল এপিচিচি সদস্য আমিনুৰ ৰছিদ চৌধুৰী। কংগ্ৰেছ নেতা আমিনুৰ ৰছিদ, বিশ্বজিৎ ঘোষ, সুব্ৰত দেৱে আঞ্চলিক পঞ্চায়ত দখল কৰিবলৈ দীৰ্ঘদিন ধৰি কংগ্ৰেছ দলৰ হৈ দলীয় প্ৰাৰ্থীক জিকাবলৈ প্ৰচেষ্টা চলাই আহিছিল।
উল্লেখ্য যে, উত্তৰ কৰিমগঞ্জ সমষ্টিৰ বদৰপুৰ আঞ্চলিক পঞ্চায়ত কংগ্ৰেছৰ দখলৰ পৰা যোৱা পাছত আজিৰ এই বিজয়ে কংগ্ৰেছৰ মুখলৈ পানী আনিছে। দলীয় প্ৰাৰ্থী সকলক লগত লৈ শ্ৰীভূমিৰ ইন্দিৰা ভৱনত আহি বিজয়ৰ আনন্দত মতলীয়া হৈ পৰে কংগ্ৰেছ কৰ্মী সমৰ্থক।