নন্দিনীৰ সৈতে মেহবুবুল হকৰ কানেকশ্যনঃ কি ক'লে মুখ্যমন্ত্ৰীয়ে...

ডিজিটেল ডেস্কঃ নন্দিনীক বচাবলৈ ইউ এছ টি এমৰ উপাচাৰ্য মেহবুবুল হকে ছামিউলৰ পৰিয়ালক মেনেজ কৰিবলৈ চেষ্টা কৰাৰ অভিযোগ উত্থাপিত হোৱাৰ পাছতে এই বিষয়টোৱে যথেষ্ট চৰ্চা লাভ কৰিছে। নন্দিনীৰ গাৰ পৰা এই দুৰ্ঘটনাৰ চেকা মচিবলৈ মেহবুবুল হকে ছামিউলৰ পৰিয়ালক ৫লাখ টকাৰ লগতে হস্পাতালৰ সকলো বিল আদায় দিয়াৰ প্ৰতিশ্ৰুতি দিছিল।

ছামিউলৰ মোমায়েকে এই অভিযোগ উত্থাপন কৰাৰ পাছতে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই এই বিষয়টোক লৈ প্ৰতিক্ৰিয়া প্ৰকাশ কৰিছে। তেওঁ কয় যে,  ইউ এছ টি এমৰ উপাচাৰ্যগৰাকীৰ কিবা এটা হৈছে। যতে-ততে সোমাই থাকে। এবাৰ অলপ দিন জেইলত থাকি ভাল হৈছিল, কিন্তু আকৌ একে হৈছে। 

মুখ্যমন্ত্ৰীগৰাকীয়ে লগতে কয় যে, শেহতীয়াকৈ উচ্চতম ন্যায়ালয়ৰ প্ৰতিবেদনত প্ৰকাশ পাইছে যে তেওঁ যি ঠাইত বিশ্ববিদ্যালয় স্থাপন কৰিছে সেই সকলোবোৰ বনাঞ্চলৰ মাটি। গতিকে এই ক্ষেত্ৰত মেঘালয় চৰকাৰে কি সিদ্ধান্ত গ্ৰহণ কৰে সময়তহে দেখা যাব। মইতো বিচাৰো যে এতিয়াই ভাঙি পেলাব লাগে।