আৰক্ষীৰ গুলীত ছত্তীশগড়ত ১২ৰো অধিক নক্সালবাদী নিহত...

ডিজিটেল ডেস্কঃ ছত্তীশগড়ত বীজাপুৰ আৰু নাৰায়ণপুৰ সীমান্তত আৰক্ষী আৰু নক্সালবাদীৰ মাজত হোৱা সংঘৰ্ষত ১২ৰো অধিক নক্সাল নিহত হোৱাৰ খবৰ পোৱা গৈছে। নেচনেল পাৰ্কৰ ভিতৰত হোৱা এই সংঘৰ্ষত কেইবাগৰাকীও আৰক্ষী জোৱান আহত হৈছে। অৱশ্যে প্ৰশাসনে এতিয়ালৈকে এই ঘটনাটোৰ সন্দৰ্ভত কোনো আনুষ্ঠানিক তথ্য সদৰি কৰা নাই। 

উল্লেখ কৰা প্ৰয়োজন যে, আগতীয়া খবৰ লাভ কৰি ছত্তীশগড়ত ডি আৰ জি, এছ টি এফ আৰু বস্তৰ ফাইটাৰ গোটৰ জোৱানে চলাইছিল এই অভিযান। এই অভিযানত বহু বিস্ফোৰক সামগ্ৰীৰ লগতে অস্ত্ৰ-শস্ত্ৰও জব্দ কৰিছে আৰক্ষীয়ে। বৰ্তমানেও উক্ত অঞ্চলত অব্যাহত আছে এই অভিযান।