ডিজিটেল সংবাদ,চৰাইদেউঃ চৰাইদেউ জিলাৰ মথুৰাপুৰ আৰক্ষী থানাৰ অন্তৰ্গত নিমনাগড় চাৰিআলিৰ পৰা চিলনী চোৰে বৃহস্পতিবাৰে দিনদুপৰতে এগৰাকী মহিলাৰ হাতৰ পৰা চিলনি চোৰে টকাৰ বেগসহ মোবাইল ফোন কাঢ়ি লৈ যায় ।
জানিব পৰা মতে ইকৰাণি গাঁৱৰ পৰা এগৰাকী মহিলাই নিমনাগড় চাৰিআলি দিশে গৈ থকা অৱস্থাত এখন ক’লা ৰঙৰ স্কুটিৰে অহা চোৰটোৱে মহিলা গৰাকীৰ হাতৰ পৰা বেগসহ ফোন থপিয়াই উধাও হয় ৷
চিলনী চোৰে কাঢ়ি লৈ যোৱা বেগটোত টকা, মোবাইল ফোনকে ধৰি বিভিন্ন নথি পত্ৰ আছিল। ঘটনাৰ পিচত মহিলা গৰাকীয়ে মথুৰাপুৰ আৰক্ষী থানাত উপস্থিত হৈ এজাহাৰ দাখিল কৰে।
