উৎকট গৰম : চৰাইদেউ জিলাৰ অন্তৰ্গত বিদ্যালয়সমূহৰ পাঠদানৰ সময়সূচী সলনি

ডিজিটেল সংবাদ, চৰাইদেউ : উৎকট গৰমৰ পৰিপ্ৰেক্ষিতত চৰকাৰী আদেশ অনুসৰি চৰাইদেউ জিলা প্ৰশাসনৰ নিৰ্দেশমৰ্মে জিলাখনৰ অন্তৰ্গত বিদ্যালয়সমূহৰ পাঠদানৰ সময়সূচী সাল-সলনি কৰা হৈছে ৷ জিলাখনৰ সকলো চৰকাৰী তথা ব্যক্তিগতখণ্ডৰ বিদ্যালয়সমূহে মানিব লাগিব এই নিয়ম ।

নিৰ্দেশনা অনুসৰি নিম্ন প্ৰাথমিক বিদ্যালয়সমূহ পুৱা ৭-৩০ বজাৰ পৰা ১২-০০ বজালৈকে চলিব । একেদৰে উচ্চ প্ৰাথমিক বিদ্যালয়সমূহ পুৱা  ৭-৩০ বজাৰ পৰা ১২-৩০ বজালৈকে চলিব ।
 
আনহাতে উচ্চ আৰু উচ্চতৰ মাধ্যমিক বিদ্যালয়সমূহ পুৱা ৭-৩০ বজাৰ পৰা দুপৰীয়া ১-০০ বজালৈকে পাঠদান চলিব ।