প্ৰধানমন্ত্ৰী নৰেন্দ্ৰ মোডীক বিশ্ব নেতা আখ্যা চন্দ্ৰবাবু নাইডুৰ...

ডিজিটেল ডেস্কঃ  অন্ধ্ৰ প্ৰদেশৰ মুখ্যমন্ত্ৰী এন চন্দ্ৰবাবু নাইডুৱে প্ৰধানমন্ত্ৰী নৰেন্দ্ৰ মোডীক ভূয়সী প্ৰশংসা কৰি বিশ্বজনীন নেতা বুলি অভিহিত কৰে। নাইডুৱে বিখাশাপট্টানামত অনুষ্ঠিত এখন ৰাজহুৱা সভাত প্ৰধানমন্ত্ৰীগৰাকীৰ প্ৰশংসা কৰে য’ত প্ৰধানমন্ত্ৰীয়ে ২ লাখ কোটি টকাৰ উন্নয়নমূলক প্ৰকল্প আৰম্ভ কৰে।লগতে মুখ্যমন্ত্ৰীগৰাকীয়ে উল্লেখ কৰে যে তেওঁ সদায় প্ৰধানমন্ত্ৰী মোডীৰ পৰা প্ৰেৰণা লয়।

মুখ্যমন্ত্ৰী এন চন্দ্ৰবাবু নাইডুৱে পিছত  উল্লেখ কৰে যে মোডীৰ যাদুৰ বাবেই হাৰিয়ানা আৰু মহাৰাষ্ট্ৰত এন ডি এ বিজয়ী হ’বলৈ সক্ষম হৈছিল । তেওঁ একেমুখে স্বীকাৰ কৰে যে প্ৰধানমন্ত্ৰী নৰেন্দ্ৰ মোডী এতিয়া ভাৰতৰে নেতা নহয় তেওঁ এতিয়া বিশ্বক নেতৃত্ব দিয়া এজন শক্তিশালী নেতা ।

বিজেপিৰে মিত্ৰতা কৰি অন্ধ্ৰ প্ৰদেশত চৰকাৰ গঠন কৰা তেলেগু দেশম পাৰ্টিৰ নেতা তথা মুখ্যমন্ত্ৰী চন্দ্ৰবাবু নাইডুৱে স্পষ্ট কৰে যে আগন্তুক দিনতো তেওঁলোকৰ এই মিত্ৰতা বৰ্তি থাকিব ।