অপেন একচেচৰ বাবে ৬,০০৫.৪২ কোটি টকা ৰাহি ভাৰতীয় ৰেলৱেৰ

ডিজিটেল ডেস্কঃ  ভাৰতীয় ৰেলৱেয়ে বৈদ্যুতিক ৰে’লৰ জৰিয়তে দ্ৰুত যাত্ৰা সহজসাধ্য কৰি তুলিছে। ৰেলৱে পৰিচালনাৰ বাবে বিদ্যুতৰ খৰচ এটা ডাঙৰ বিষয়। কিন্তু কেন্দ্ৰীয় ৰে’লৱেয়ে গ্ৰহণ কৰা অপেন একচেচ ৰ সিদ্ধান্তৰ বাবে বিদ্যুত ৰাহি হোৱা পৰিলক্ষিত হৈছে।

কেন্দ্ৰীয় ৰেলৱে ২০১৫ চনৰ পৰা ‘অপেন একচেচ’ৰ জৰিয়তে বিদ্যুৎ ক্ৰয় কৰি আহিছে। সেয়ে ৰে’লৱেই বিদ্যুতৰ বাবে ব্যয়বহুল হাৰ দিব নালাগে। গতিকে, বজাৰৰ পৰা পোনপটীয়াকৈ সস্তা হাৰত বিদ্যুৎ উপলব্ধ। আমোদজনক কথাটো হ’ল এই সিদ্ধান্তৰ ফলত ৰে’লৱেৰ ৬,০০৫.৪২ কোটি টকা ৰাহি হৈছে।

ইয়াৰ পূৰ্বে ভাৰতীয় ৰেলৱেই বিভিন্ন ৰাজ্যৰ শক্তি নিগম বা ৰাজ্যিক শক্তি বিতৰণ কোম্পানীসমূহৰ পৰা বিদ্যুৎ ক্ৰয় কৰিছিল। সেই সময়ত বিদ্যুতৰ হাৰ প্ৰতি ইউনিটত ৯ টকাৰ সমানেই ব্যয়বহুল আছিল। ফলত ৰেলৱেৰ ব্যয় যথেষ্ট বৃদ্ধি পাইছিল।

২০১৫ চনত কেন্দ্ৰীয় ৰেলৱেই এটা ডাঙৰ সিদ্ধান্ত লৈছিল। ‘অপেন একচেচ’ৰ জৰিয়তে ৰেলৱেৰ বিদ্যুৎ ক্ৰয় আৰম্ভ হৈছিল। এতিয়া কেন্দ্ৰীয় ৰেলৱে তুলনামূলকভাৱে কম হাৰত ৫.৫০ টকাৰ পৰা ৬.৫০ টকাকৈ বিদ্যুৎ লাভ কৰিছে। এই সিদ্ধান্তৰ ফলত বিদ্যুতৰ বিল যথেষ্ট হ্ৰাস পোৱাৰ লগতে ৰেলৱেই ১০ বছৰত ৬,০০৫.৪২ কোটি টকা ৰাহি কৰিবলৈ সক্ষম হৈছে।

উল্লেখ্য যে, ২০১৫-১৬ চনত ১৬১,২০ কোটি টকাৰ সামান্য সঞ্চয়ৰ পৰা আৰম্ভ কৰি ২০২৪-২৫ চনত ৬৯০,৪৭ কোটি টকালৈকে ৰাহি কৰে ভাৰতীয় ৰেলৱেয়ে। ইফালে বিদ্যুৎ চালিত ৰে'লৰ বাবে প্ৰদূষণ হ্ৰাস পোৱাৰ লগতে ৰেলৰ গতিও বৃদ্ধি পাইছে। সেয়েহে এই খবৰে আশাৰ সঞ্চাৰ কৰিছে।