অট্টালিকা খহি শিশুসহ ৩ জনৰ আৰু পুখুৰীৰ পানীত ডুবি ৬ টি শিশুৰ মৃত্যু...

ডিজিটেল ডেস্কঃ পুনৰ এক অট্টালিকা খহি পৰাৰ ফলত ৰাষ্ট্ৰীয় ৰাজধানী দিল্লীত এটি ৪ বছৰীয়া শিশুৰ সৈতে ৩ জন লোকে প্ৰাণ ত্যাগ কৰিছে। ধাৰাষাৰ বৰষুণৰ মাজতেই দেওবাৰে নিশা দিল্লীৰ লাহোৰী গেটৰ কাষত এটা দুমহলীয়া অট্টালিকা খহি পৰিছে।

বাতৰি অনুসৰি এই দুৰ্ঘটনাত এটি ৪ বছৰীয়া কন্যা শিশুসহ ৩ জন লোকৰ প্ৰাণহানি হৈছে। এতিয়াও ধ্বংসস্তূপৰ মাজত আৱদ্ধ হৈ আছে আন ৪ জন লোক। ইফালে গুৰুগ্ৰামত এটা পুখুৰীত ৬ টিকৈ শিশু ডুব গৈছে।

জানিব পৰা এই শিশু কেইটাই পুখুৰীটোত গা ধুবলৈ গৈছিল। ইয়াৰ পিছতে শিশু কেইটা পুখুৰীৰ পানীত ডুব গৈছে। ইতিমধ্যে ৬ টি শিশুৰে মৃতদেহ উদ্ধাৰ হৈছে।