বকোৰ উদ্যোমী যুৱক দীপজ্যোতি দাসলৈ সামাজিক সমন্বয় বঁটা...

ডিজিটেল সংবাদ,বকোঃ কামৰূপ জিলাৰ বকোৰ এগৰাকী উদ্যোমী যুৱকক শনিবাৰে ছয়গাঁও শিল্পী সুৰক্ষা পৰিষদ নামৰ সংগঠন এটাই 'সামাজিক সমন্বয় বঁটা- ২০২২' আগবঢ়ায়। জানিবপৰা মতে ৪৮নং বকো বিধান সভাসমষ্টিৰ অন্তৰ্গত ছমৰীয়া সত্ৰৰ দীপজ্যোতি দাস নামৰ যুৱকগৰাকীক ছয়গাঁৱৰ শ্ৰীমন্ত শংকৰদেৱ কলা কৃষ্টি বিকাশ কেন্দ্ৰত শনিবাৰে সুধাকণ্ঠ ভূপেন হাজৰিকাৰ মৃত্যু দিৱসৰ দিনা এই বঁটা আগবঢ়ায় । বঁটাত আছে এখন মানপত্ৰ, এখন চেলেং চাদৰ , এটা জাঁপি আৰু এটা স্মাৰক ।

উল্লেখযোগ্য যে, ছয়গাঁও শিল্পী সুৰক্ষা পৰিষদৰ সামাজিক সমন্বয় বঁটা - ২০২২ লাভ কৰা উদ্যোমী যুৱক দীপজ্যোতি দাস ছমৰীয়াৰ প্ৰয়াত অনন্ত কুমাৰ দাস আৰু চম্পা দাসৰ জ্যেষ্ঠ পুত্ৰ ।