বকোত পানীত পৰি এজনৰ মৃত্যু...

পানীত পৰি অকাল মৃত্যুক আকোৱালি লোৱা দীনেশ দাসে পত্নী আৰু তিনি সন্তানক ইহসংসাৰত এৰি থৈ যায়
বকোত পানীত পৰি এজনৰ মৃত্যু...

ডিজিটেল সংবাদ ,বকোঃ কামৰূপ জিলাৰ বকোত পানীত পৰি এগৰাকী লোকৰ মৃত্যু হোৱা ঘটনাই চাঞ্চল্যৰ সৃষ্টি কৰিছে । ঘটনাৰ বিৱৰণ মতে বকো থানাৰ অন্তৰ্গত নাৰেংগা গাঁৱৰ দীনেশ দাস(৫০) নামৰ লোকগৰাকীয়ে শুক্ৰবাৰে বিয়লি ঘৰৰ কাষৰে শালমাৰা বিলৰ পাৰত ঘাঁহ কাটিবলৈ যায় । কিন্ত নিশালৈ লোকগৰাকীয়ে ঘৰলৈ উভটি নহাত পৰিয়ালৰ লোকে বিচাৰ-খোচাৰ কৰে ।

অৱশেষত দাসৰ মৃতদেহ বিলৰ পানীত ওপঙি থকা দেখিবলৈ পায় । শনিবাৰে ৰাতিপুৱা দীনেশ দাসৰ মৃতদেহ মৰণোত্তৰ পৰীক্ষাৰ বাবে বকো আৰক্ষীয়ে গুৱাহাটী চিকিৎসালয়ত প্ৰেৰণ কৰে ।

উল্লেখযোগ্য যে, পানীত পৰি অকাল মৃত্যুক আকোৱালি লোৱা দীনেশ দাসে মৃত্যুৰ সময়ত পত্নী আৰু তিনি সন্তানক ইহসংসাৰত এৰি থৈ যায় ।

Related Stories

No stories found.
Asomiya Pratidin
www.asomiyapratidin.in