ডিজিটেল ডেস্কঃ ডিব্ৰুগড়ত সংঘটিত হৈছে এক ভয়ংকৰ ঘটনা। ৰাজস্থানৰ এগৰাকী মহিলাই দুই পুত্ৰৰ সৈতে জাঁপ দিলে ব্ৰহ্মপুত্ৰত। চিলাপথাৰত বহু দিনৰে পৰা ব্যৱসায়িক সূত্ৰে থকা মহিলাগৰাকীয়ে পাৰিবাৰিক কন্দলৰ বাবে ব্ৰহ্মপুত্ৰত জাঁপ দিয়া বুলি প্ৰাৰম্ভিক তদন্তত পোহৰলৈ আহিছে।
দেওবাৰে বিয়লিভাগত সংঘটিত হোৱা এই ঘটনাৰ পাছতে এতিয়া বগীবিলত চাঞ্চল্যকৰ পৰিস্থিতিয়ে বিৰাজ কৰিছে। খবৰ পোৱাৰ মাত্ৰকে প্ৰশাসনে সকলো যাৱতীয় ব্যৱস্থা গ্ৰহণ কৰি মহিলাগৰাকী আৰু দুই সন্তানক উদ্ধাৰৰ বাবে অভিযান আৰম্ভ কৰিছে।
এছ ডি আৰ এফৰ কেইবাটাও দলে ইতিমধ্যে ব্ৰহ্মপুত্ৰত অভিযান আৰম্ভ কৰিছে যদিও বাতৰি লিখা পৰলৈকে কোনো সন্ধান লাভ কৰা নাই। ইফালে বগীবিলৰ ওপৰত এটা বেগৰ সৈতে উদ্ধাৰ হৈছে তিনিযোৰ চেণ্ডেল। ইয়াৰে এযোৰ এগৰাকী মহিলাৰ আৰু আন দুযোৰ দুটি শিশুৰ বুলি সদৰি কৰিছে আৰক্ষীয়ে।
