২০২৪-ত ১৫,৭২১খন গাড়ী বিক্ৰীৰে অভিলেখ বিএমডব্লিউ গ্ৰুপ ইণ্ডিয়াৰ...

ডিজিটেল ডেস্কঃ  বিগত বৰ্ষত ১৫,৭২১ খন গাড়ী বিক্ৰী কৰিছে বিলাসী গাড়ী নিৰ্মাতা বিএমডব্লিউ গ্ৰুপ ইণ্ডিয়া । বিলাসী গাড়ী নিৰ্মাতা বিএমডব্লিউ গ্ৰুপ ইণ্ডিয়াই মঙলবাৰে এক তথ্য প্ৰকাশ কৰি উল্লেখ কৰে যে যোৱা বছৰ ১১ শতাংশ বৃদ্ধিৰে ১৫,৭২১ ইউনিট বাৰ্ষিক গাড়ী বিক্ৰীৰে সৰ্বোত্তম সফলতা লাভ কৰিছে। 

বিএমডব্লিউ গ্ৰুপ ইণ্ডিয়াইও আজিলৈকে ৩০০০ ইভি ডেলিভাৰী অতিক্ৰম কৰি এই মাইলৰ খুঁটিত উপনীত হোৱা দেশৰ প্ৰথমটো বিলাসী গাড়ী নিৰ্মাতা কোম্পানী হিচাপে পৰিগণিত হৈছে। কোম্পানীটোৱে এক বিবৃতিত কয় যে ২০২৪ চনৰ জানুৱাৰী–ডিচেম্বৰৰ ভিতৰত কোম্পানীটোৱে ১৫,৭২১খন গাড়ী (বিএমডব্লিউ আৰু মিনিআই) আৰু ৮,৩০১খন মটৰ চাইকেল (বিএমডব্লিউ মটৰৰেড) ডেলিভাৰী কৰিছিল। যোৱা বছৰৰ অক্টোবৰ-ডিচেম্বৰৰ সময়ছোৱাত অটো নিৰ্মাতা কোম্পানীটোৱে ৪,৯৫৮ ইউনিট বিক্ৰী কৰিছিল। 

ভাৰতত এতিয়ালৈকে সৰ্বাধিক গাড়ীৰ বিক্ৰীৰে বিএমডব্লিউ গ্ৰুপ ইণ্ডিয়াই ১৫ হাজাৰ গাড়ী বিক্ৰীৰ মাইলৰ খুঁটি অতিক্ৰম কৰিছে।