গোমোঠা নৱজ্যোতি যুৱ সমাজৰ উদ্যোগত অনুষ্ঠিত বিহু কৰ্মশালাৰ সামৰণি

ডিজিটেল সংবাদ, শিৱসাগৰ : শিৱসাগৰ গোমোঠা নৱজ্যোতি যুৱ সমাজৰ উদ্যোগত অনুষ্ঠিত হোৱা বিহু কৰ্মশালাৰ শুকুৰবাৰে সামৰণি পৰে। উল্লেখযোগ্য যে, দহদিনীয়াকৈ আয়োজন কৰা এই কৰ্মশালাত শতাধিক প্ৰশিক্ষাৰ্থীয়ে অংশগ্ৰহণ কৰা বুলি উদ্যোক্তাই জানিবলৈ দিয়ে ।

এইখিনিতে এটা কথা উল্লেখ কৰা প্ৰয়োজন যে, শিৱসাগৰ গোমোঠা গাঁৱত গোমোঠা নৱজ্যোতি যুৱ সমাজৰ উদ্যোগত আয়োজিত এই দহদিনীয়া কৰ্মশালাত অভিজ্ঞ প্ৰশিক্ষকৰ দ্বাৰা বিহুনাচ আৰু ঢোলবাদনৰ প্ৰশিক্ষণ দিয়া হৈছিল ৷ ঢোলৰ চেঁৱে চেঁৱে প্ৰতিগৰাকী নাচনীয়ে কঁকাল ভাঙি বিহু নাচৰ প্ৰশিক্ষণ লোৱাৰ সমান্তৰালভাৱে ঢুলীয়া সকলো ব্যস্ত হৈ পৰিছিল ঢোল বাদন কৰ্মশালাত ৷ 

ইফালে এই প্ৰশিক্ষণ গ্ৰহণ কৰি বিভিন্ন ঠাইত অনুষ্ঠিত হ'বলগীয়া বিহুৰ প্ৰতিযোগিতাত অংশগ্ৰহণ কৰিবলৈ সাজু হৈছে প্ৰশিক্ষাৰ্থীসকল।