চতিয়াৰ ঐতিহ্যমণ্ডিত মাধুৰী আঁহতৰ তলত বিহু কৰ্মশালা

ডিজিটেল সংবাদ, জামুগুৰিহাট : অসমৰ প্ৰথমখন মুকলি বিহু মেলা বুলি খ্যাত চতিয়াৰ মাধুৰী আঁহতৰ তলৰ মুকলি বিহু উদযাপন সমিতিৰ উদ্যোগত বৃহস্পতিবাৰৰ পৰা আৰম্ভ হৈছে ১৫ দিনীয়া বিহু কৰ্মশালা। আনুষ্ঠাননিকভাৱে এই কৰ্মশালা মুকলি কৰে ন-দুৱাৰ সমষ্টিৰ বিধায়ক পদ্ম হাজৰিকাই।

কৰ্মশালা উন্মোচনী অনুষ্ঠানত উপস্থিত থাকে বিখ্যাত ঢুলীয়া সোমনাথ বড়া। সোমনাথ বড়াৰ ঢোলত আঙুলিৰ বুলনিয়ে সকলোকে আপ্লুত কৰে ৷

উল্লেখযোগ্য যে, এই কৰ্মশালাতে ন-দুৱাৰ সমষ্টিৰ বিধায়ক পদ্ম হাজৰিকাৰ লগত একেলগে সোমনাথ বড়াই বিহুনাম পৰিৱেশন কৰে। ইফালে এই কৰ্মশালাত অঞ্চলটোৰ শতাধিক ছাত্ৰ-ছাত্ৰীয়ে অংশগ্ৰহণ কৰিছে।