/asomiyapratidin/media/media_files/2025/01/14/bwwtE8lp95YnVcjw9GnR.jpg)
ডিজিটেল সংবাদ,জামুগুৰিহাটঃ ৰাজ্যৰ অন্যান্য প্ৰান্তৰ দৰে জামুগুৰিহাটৰ হাটিঙাৰ ৰত্নপুৰ গাঁৱতো উলহ-মালহেৰে ভোগালী উৎসৱ উদযাপন কৰা হয় ৷ এই উদ্দেশ্যৰে পুৱা জ্যেষ্ঠজনৰ আৰ্শীৰ্বাদ গ্ৰহণ কৰি সমাজৰ মঙ্গল কামনা কৰে ৰত্নপুৰ গাঁৱৰ যুৱক-যুৱতী সকলে ৷
হাটিঙা ৰত্নপুৰ গাঁৱৰ যুৱক-যুৱতী সকলে গাঁওখনৰ চল্লিশ গৰাকীকৈ বয়োবৃদ্ধক একত্ৰিত কৰি ধৰ্মীয় ৰীতি-নীতিৰে তথা পৰম্পৰা ৰক্ষা কৰি সমূহীয়াভাৱে সম্বৰ্ধনা জ্ঞাপন কৰাৰ লগতে জ্যেষ্ঠজনৰ পৰা আশীষ গ্ৰহণ কৰে ৷
ৰত্নপুৰ ৰঙ্গমঞ্চত আয়োজন কৰা এই ব্যতিক্ৰমী অনুষ্ঠানত ৰত্নপুৰ গাঁৱৰ সকলো শ্ৰেণীৰ ৰাইজে অংশগ্ৰহণ কৰে ৷ সম্বৰ্ধনা অনুষ্ঠানৰ অন্তত সকলোৱে মিলি ভোগালী জলপানো গ্ৰহণ কৰে ৷