ডিজিটেল সংবাদ,বাক্সাঃ অসম আৰক্ষীৰ ড্ৰাগছ, বাৰ্মিজ চুপাৰি আদি অবৈধ সামগ্ৰীৰ বিৰুদ্ধে অভিযান অব্যাহত থকাৰ সময়তে শালবাৰী বড়ো বজাৰৰ পৰা বাক্সা আৰক্ষীয়ে অভিযান চলাই আটক কৰে হাহচৰাৰ তনুধৰ বসুমতাৰী , ৰূপহীৰ প্ৰিয়ম খেৰকটাৰী আৰু বাঘমাৰাৰ হিতেশ গয়াৰী নামৰ তিনিগৰাকী ড্ৰাগছ সৰবৰাহকাৰীক ।
আৰক্ষীৰ দলটোৱে ড্ৰাগছ সৰবৰাহকাৰী কেইজনৰ পৰা উদ্ধাৰ কৰে ১৯.৭০ গ্ৰাম হেৰ'ইন, এটা ড্ৰাগছ লোৱা চিৰিঞ্জ , ৩৯ টা কনটেইনাৰ , এখন AS-15N 9273 নম্বৰৰ ৰয়েল এনফিল্ড আৰু AS-15 T 6871 নম্বৰৰ কে টি এম বাইকসহ দুটা মোবাইল ফোন , বহু আপত্তিজনক সামগ্ৰী। সম্প্ৰতি শালবাৰী আৰক্ষীয়ে 52/22/21A27Bআইনত এটা গোচৰ ৰুজু কৰি তদন্ত অব্যাহত ৰাখিছে।
