কংগ্ৰেছে দেশখন ভাগ ভাগ কৰিলেঃ মন্ত্ৰী অতুল বৰা

ডিজিটেল সংবাদ, বিশ্বনাথ:  বিশ্বনাথৰ আবৰ্ত্ত ভৱনত বৃহস্পতিবাৰে নিশা উপস্থিত হয় অগপৰ সভাপতি তথা মন্ত্ৰী অতুল বৰা। সাংবাদিকৰে হোৱা কথোপকথনত মন্ত্ৰী গৰাকীয়ে কংগ্ৰেছক লক্ষ্য লৈ ক্ষুৰধাৰ সমালোচনা কৰে। তেওঁ কয়, কংগ্ৰেছ এটা পৰিয়াল কেন্দ্ৰীক দল ৷ কংগ্ৰেছে দেশখন ভাগ ভাগ কৰিলে কিন্তু বৰ্তমান চৰকাৰৰ দিনত জাতীয় স্বাৰ্থ সুৰক্ষিত ৰাখিবৰ বাবে বৰ্তমানৰ চৰকাৰখন দায়বদ্ধ য’ত অসম গণ পৰিষদ জড়িত হৈ আছে ৷

তাৰোপৰি বিজেপি আৰু কংগ্ৰেছক তুলনা কৰি মন্ত্ৰী অতুল বৰাই কয়, তুলনামূলক ভাবে চালে কংগ্ৰেছৰ দিনতকৈ বৰ্তমান বিজেপি চৰকাৰ খনে উন্নয়নৰ কাম কৰিছে ৷ সমগ্ৰ ৰাজ্যতে বিজেপিয়ে উন্নয়ণমূলক আঁচনিক লৈ কাম কৰিছে।

ইফালে উচ্ছেদ সন্দৰ্ভতো মন্ত্ৰী বৰাই কংগ্ৰেছক জগৰীয়া কৰি কয় যে, ট্ৰাইবেল বেল্ট ,সত্ৰৰ মাটি আদি স্থানত বসতি কৰিব নোৱাৰে। কিন্তু যি সকলে এই কাম কৰোৱাইছিল তাৰ বাবে তেওঁলোকেই জগৰীয়া। এনে ঘটনা ঘটাৰ বাবে মূলতঝ কংগ্ৰেছ জগৰীয়া।