প্ৰধানমন্ত্ৰী নৰেন্দ্ৰ মোডীৰ আমেৰিকা ভ্ৰমণক প্ৰশংসা এছ’চম আৰু এফ আই ই অ’ৰ

ডিজিটেল ডেস্ক : আগশাৰীৰ ব্যৱসায়িক সংস্থা চেম্বাৰ এছ’চাম আৰু ফেডাৰেচন অৱ ইণ্ডিয়ান এক্সপ’ৰ্ট অৰ্গেনাইজেশ্যন চমুকৈ এফ আই ই অ’ৱে শুকুৰবাৰে প্ৰধানমন্ত্ৰী নৰেন্দ্ৰ মোদীৰ আমেৰিকা ভ্ৰমণক প্ৰশংসা কৰিছে। উভয় সংস্থাই মোডীৰ এই ভ্ৰমণ, ভাৰত আৰু আমেৰিকাৰ মাজত বাণিজ্য আৰু বিনিয়োগৰ সম্পৰ্ক শক্তিশালী কৰাৰ ক্ষেত্ৰত এক গুৰুত্বপূৰ্ণ মুহূৰ্ত বুলি অভিহিত কৰে।

ৱাশ্বিংটন ডি চিত প্ৰধানমন্ত্ৰী নৰেন্দ্ৰ মোডী আৰু ৰাষ্ট্ৰপতি ড’নাল্ড ট্ৰাম্পৰ বৈঠকৰ পিছত যি যুটীয়া বক্তব্যই ভাৰত আৰু আমেৰিকাৰ মাজত অব্যাহত থকা আস্থা আৰু কৌশলগত অংশীদাৰিত্ব শক্তিশালী কৰাৰ প্ৰতীক হিচাপে পৰিগণিত হৈছে বুলি আছোচামৰ সভাপতি সঞ্জয় নায়াৰে কয়। তেওঁ আঙুলিয়াই দিয়ে যে প্ৰধানমন্ত্ৰীৰ আমেৰিকা ভ্ৰমণৰ পৰা কেইবাটাও স্পষ্ট ফলাফল পোৱা গৈছে। য’ত প্ৰতিৰক্ষা, সন্ত্ৰাসবাদ বিৰোধী, আৰু শক্তি সুৰক্ষাৰ ক্ষেত্ৰত সহযোগিতা শক্তিশালী কৰা, জীৱাশ্ম ইন্ধন আৰু পাৰমাণৱিক শক্তি দুয়োটাকে সামৰি লোৱা; বাণিজ্য আৰু বিনিয়োগ; আৰু ভাৰতৰ মানৱ পুঁজিৰ লাভ উঠা। 

আন এটা ডাঙৰ ফলাফল হ’ল- বছৰৰ শেষৰ ফালে এ আই আন্তঃগাঁথনি ত্বৰান্বিত কৰাৰ বাবে আমেৰিকা-ভাৰত ৰ’ডমেপ প্ৰস্তুত কৰা। ২০৩০ চনৰ ভিতৰত দ্বিপাক্ষিক বাণিজ্যৰ ৫০০ বিলিয়ন ডলাৰৰ অভিলাষী লক্ষ্য বিশিষ্টভাৱে গ্ৰহণযোগ্য। আনহাতে দ্বিপাক্ষিক বাণিজ্য চুক্তিয়ে দুয়োখন দেশৰ মাজত নতুন বাণিজ্য আৰু বিনিয়োগৰ সুযোগৰ পথ মুকলি কৰিব বুলি নায়াৰে লগতে কয়।

ইফালে এফ আই ই অ’ৰ সভাপতি অশ্বনী কুমাৰৰ মতে, এই ভ্ৰমণে গভীৰ অৰ্থনৈতিক সহযোগিতা, বাণিজ্য সম্প্ৰসাৰণ, বিনিয়োগ বৃদ্ধি, আৰু দুয়োখন দেশৰ মাজত কৌশলগত সম্পৰ্ক কঠিন কৰাৰ দিশত এক উল্লেখযোগ্য পদক্ষেপ হিচাপে চিহ্নিত কৰিব। এই আলোচনাই ভাৰত আৰু আমেৰিকাৰ মাজত ক্ৰমবৰ্ধমান অৰ্থনৈতিক সম্পৰ্কত এক ডাঙৰ মাইলৰ খুঁটি হিচাপে চিহ্নিত কৰিছে।

আমেৰিকা ভাৰতৰ অন্যতম বৃহৎ বাণিজ্যিক অংশীদাৰ হিচাপে আত্মপ্ৰকাশ কৰাৰ লগে লগে এই উন্নয়নসমূহে ভাৰতীয় ৰপ্তানিকাৰকসকলক নতুন সুযোগ প্ৰদান কৰিব বুলি মন্তব্য কৰে।