ডিজিটেল ডেস্ক : আজি অসম আৰক্ষী দিৱস । নিজৰ নিজৰ কৰ্মক্ষেত্ৰলৈ প্ৰশংসনীয় অৱদান আগবঢ়োৱাৰ বাবে আৰক্ষী সঞ্চালক প্ৰধান ভাস্কৰ জ্যোতি মহন্তই ২৬১ গৰাকী বিষয়াক প্ৰদান কৰিব প্ৰশংসা পদক । এই বিষয়া সকল জড়িত অসম আৰক্ষী তথা প্ৰশাসনিক সেৱাৰ সৈতে । এই ২৬১ গৰাকী বিষয়াৰ ৭ গৰাকীলৈ আগবঢ়োৱা হ'ব স্বৰ্ণ পদক আৰু আন ২৫৪ গৰাকীলৈ আগ বঢ়োৱা হ'ব ৰূপৰ পদক ।
আজি অসম আৰক্ষী দিৱস উদযাপনৰ বাবে ইতিমধ্যেই ৪ৰ্থ আৰক্ষী বেটেলিয়েন খেলপথাৰত আয়োজন কৰা হৈছে এক অনুষ্ঠানৰ । এই অনুষ্ঠানত উপস্থিত থাকি প্ৰশংসা পদক আগ বঢ়াব আৰক্ষী সঞ্চালক প্ৰধান ভাস্কৰ জ্যোতি মহন্তই । ইয়াৰ উপৰিও অনুষ্ঠানটিত অংশগ্ৰহণ কৰিব ৰাজ্যৰ মুখ্য সচীব পৱন কুমাৰ বৰঠাকুৰে ।
