ডিজিটেল ডেস্কঃ এতিয়াৰে পৰা গ্ৰন্থপ্ৰেমী ৰাইজৰ উপস্থিতিয়ে উদুলি-মুদুলি নহয় চানমাৰীৰ পদুলি। কিয়নো সলনি হ’ল অসম গ্ৰন্থমেলাৰ স্থান। প্ৰতিবছৰে চানমাৰীত অনুষ্ঠিত হৈ অহা অসম গ্ৰন্থমেলা এইবেলি অনুষ্ঠিত হ’ব খানাপাৰাত। ইতিমধ্যে এই সিদ্ধান্ত চৰকাৰী ছীল-মোহৰ পৰিল।
অহা ২৮ডিচেম্বৰৰ পৰা ১১জানুৱাৰীলৈ অনুষ্ঠিত হবলগীয়া অসম গ্ৰন্থমেলা অনুষ্ঠিত হ’ব খানাপাৰা অসম পশু চিকিৎসা মহাবিদ্যালয়ৰ খেলপথাৰত। অসম প্ৰকাশন পৰিষদ আৰু অসম প্ৰকাশক গোষ্ঠীৰ সৌজন্যত অনুষ্ঠিত হবলগীয়া এই গ্ৰন্থমেলাখনিত ৰাজ্যৰ লগতে দেশৰ ভিন্ন প্ৰান্তৰ গ্ৰন্থপ্ৰেমী ৰাইজৰ ভিৰ হয়।
অৱশ্যে অসম গ্ৰন্থমেলাৰ স্থান সলনি হোৱাৰ ইংগিত যোৱা বছৰেই প্ৰদান কৰিছিল শিক্ষামন্ত্ৰী ডাঃ ৰণোজ পেগুৱে। মুঠৰ ওপৰত এতিয়া অসম গ্ৰন্থমেলাত গ্ৰন্থৰ সোঁৱাদ লবলৈ এইবেলি আপুনি চানমাৰীৰৰ পৰিৱৰ্তে যাব লাগিব খানাপাৰালৈ।
