অৰুণাচল প্ৰদেশৰ বিভিন্ন ঠাইত প্ৰৱল বৃষ্টিপাত আৰু ভূমিস্খলন...

ডিজিটেল সংবাদ,অৰুণাচলঃ অৰুণাচল প্ৰদেশৰ বিভিন্ন ঠাইত প্ৰৱল বৃষ্টিপাত আৰু ভূমিস্খলন। সোমবাৰে নিশা অৰুণাচল প্ৰদেশৰ পাকে কেছাং, পশ্চিম কামেং, পাপুমপাৰে আদি জিলাত হোৱা প্ৰৱল বৃষ্টিপাত আৰু ধুমুহাত ঠায়ে ঠায়ে গছ-গছনি ভাঙি পৰাৰ ফলত বন্ধ হৈছে বাট-পথ। উল্লেখ্য যে, বৰষুণ আৰু ভূমিস্খলনৰ ফলত বহুকেইটা বাসগৃহৰ বিস্তৰ ক্ষতিসাধনো হয়।

ৰাজ্যখনৰ ৱেষ্ট কামেং জিলাৰ সদৰ বমডিলাত বমডিলা -টাৱাঙ সংযোগী পথটো ভূমিস্খলনৰ ফলত বন্ধ হৈ পৰাৰ লগতে বমডিলা বিজুলী সংযোগো ব্যাহত হৈ পৰে।