সাহিত্যিক য়েছে দৰজে ঠংচিক আনন্দৰাম ঢেকিয়াল ফুকন বঁটা প্ৰদান...

ডিজিটেল সংবাদ,নগাঁওঃ বিশিষ্ট সাহিত্যিক য়েছে দৰজি ঠংচিক প্ৰদান কৰা হয় আনন্দৰাম ঢেকিয়াল ফুকন বঁটা ৷ শণিবাৰে নগাঁৱৰ উচ্চ শিক্ষাৰ প্ৰতিস্থান আনন্দৰাম ঢেকিয়াল ফুকন মহাবিদ্যালয়ত আয়োজিত এক সভাত আনুষ্ঠানিকভাৱে এই বঁটা প্ৰদান কৰা হয় ৷

বঁটা প্ৰদান অনুষ্ঠানত উপস্থিত থাকে অসম চৰকাৰৰ শিক্ষামন্ত্ৰী ৰনোজ পেগু। এই বঁটাত আছে স্মাৰক, শৰাই, চেলেঙ,নগদ ধন ৷ বঁটা গ্ৰহণ কৰি বিশিষ্ট সাহিত্যিক য়েছে দৰজে ঠংচিয়ে কয় যে অসমীয়া ভাষা প্ৰতিষ্ঠাৰ বাবে কাম কৰা আনন্দৰাম ঢেকিয়াল ফুকনৰ নামত উৎসৰ্গিত এই সন্মান লাভ কৰি মই আনন্দিত ৷

সাহিত্যচৰ্চাৰে জৰিত হোৱাৰ বাবে নিজৰ সাহিত্য কৰ্ম বিদ্যালয় , মহাবিদ্যালয় সমূহক উপহাৰ হিচাপে আগবঢ়াবলৈ ইচ্ছুকতা প্ৰকাশ কৰা সাহিত্যিক ঠংচিয়ে কয় যে প্ৰতিভা হেঁচা দি ৰাখিব পৰা নাযায় ৷ বাধা প্ৰদান কৰি প্ৰতিভাক হেঁচা দি ৰাখিব নোৱাৰি ৷ প্ৰতিভা বিকাশ হ'বই ৷

সভাত উপস্থিত থাকি শিক্ষামন্ত্ৰী ৰনোজ পেগুয়ে কয় যে আনন্দৰাম ঢেকিয়াল ফুকনৰ নামেৰে বঁটা প্ৰদান কৰি শিক্ষানুষ্ঠানটিয়ে মহান কাম কৰিছে ৷ বিভিন্ন শিক্ষানুষ্ঠানত খালী থৈ থকা অধ্যক্ষ পদ পূৰণৰ ব্যৱস্থা কৰা হ'ব বুলি উল্লেখ কৰি স্থায়ী অধ্যক্ষ নিয়ুক্তিৰ বাবে চাৰ্ভিচ ৰ’ল প্ৰস্তুত কৰি থকা বুলি কয় মন্ত্ৰী গৰাকীয়ে ৷

গুনোৎসৱত এ গ্ৰেড লাভ কৰা বিদ্যালয়ক ২৫ হাজাৰকৈ আগবঢ়োৱাৰ কথা ব্যক্ত কৰি মন্ত্ৰী পেগুৱে কয় যে ৰাজ্যৰ ৮৮৫ খন বিদ্যালয়ক হায়াৰ চেকেণ্ডাৰীলৈ উন্নিত কৰা হ'ব বুলি উল্লেখ কৰে ৷ ইতিপূৰ্বে ২১৫ বিদ্যালয়ক হায়াৰ চেকেণ্ডাৰীলৈ উন্নিত কৰা হৈছে বুলি কয় মন্ত্ৰী গৰাকীয়ে।