ডুবাইত ভাৰতীয় যুৱতীক গ্ৰেপ্তাৰ...

এই সন্দৰ্ভত যুৱতীগৰাকীৰ পৰিয়ালে ভাৰতৰ বৈদেশিক পৰিক্ৰমা দপ্তৰৰ মন্ত্ৰী এছ জয়শংকৰলৈ এক পত্ৰ প্ৰেৰণ কৰিছে। পত্ৰযোগে যুৱতীগৰাকীক উদ্ধাৰৰ বাবে অনুৰোধ জনাই পৰিয়ালে যুৱতীগৰাকীৰ বেগত

author-image
Asomiya Pratidin
New Update
AP FOR WEB dubai

ডিজিটেল ডেস্ক : ডুবাইত চাকৰি কৰিবলৈ যোৱা এগৰাকী ভাৰতীয় যুৱতীক গ্ৰেপ্তাৰ কৰিছে বিদেশ ৰাষ্ট্ৰখনৰ নিৰাপত্তা বাহিনীয়ে। জানিব পৰা মতে হায়দৰাবাদৰ এগৰাকী ২৪ বছৰীয়া যুৱতীয়ে বিউটি পাৰ্লাৰত কাম কৰাৰ উদ্দেশ্যে ডুবাইলৈ গৈছিল। 

তাৰ পাছতে তেওঁক ডুবাই বিমান বন্দৰত কৰ্তব্যৰত নিৰাপত্তাৰক্ষীয়ে তালাচী তলাই যুৱতীগৰাকীৰ বেগৰ পৰা উদ্ধাৰ কৰে ড্ৰাগছৰ পেকেট। এই ঘটনাৰ পাছতে নিৰাপত্তাৰক্ষীয়ে তেওঁক জেৰা চলাই আৰক্ষী বাহিনীক চমজাই দিয়ে আৰু কাৰাগাৰলৈ প্ৰেৰণ কৰে। 

অৱশ্যে এই সন্দৰ্ভত যুৱতীগৰাকীৰ পৰিয়ালে ভাৰতৰ বৈদেশিক পৰিক্ৰমা দপ্তৰৰ মন্ত্ৰী এছ জয়শংকৰলৈ এক পত্ৰ প্ৰেৰণ কৰিছে। পত্ৰযোগে যুৱতীগৰাকীক উদ্ধাৰৰ বাবে অনুৰোধ জনাই পৰিয়ালে যুৱতীগৰাকীৰ বেগত কোনো অজ্ঞাত লোকে ড্ৰাগছৰ পেকেট ভৰাই দিয়া বুলি দাবী কৰে। 

ইতিমধ্যে ডুবাইস্থিত ভাৰতীয় দূতাবাসেৰে যোগোযোগ কৰি ঘটনা সম্পৰ্কত আলোচনা অৱ্যাহত ৰাখিছে। তাৰোপৰি চাকৰিৰ প্ৰলোভনেৰে ডুবাইলৈ মাতি নিয়া এজেণ্টৰ বিৰুদ্ধেও তদন্ত চলোৱাৰ কথা জানিব পৰা গৈছে।

dubai