১২ জনৰ মৃত্যু, ৫জনৰ অৱস্থা অতি সংকটজনক

ডিজিটেল ডেস্কঃ বিষাক্ত সুৰা সেৱনৰ ফলত সংঘটিত হল ভয়ংকৰ ঘটনা। ১২ জন লোকৰ মৃত্যু হোৱাৰ বিপৰীতে সংকটজনক অৱস্থাত ৫জন লোক চিকিৎসালয়ত ভৰ্তি হৈ আছে। এই ঘটনা সংঘটিত হৈছে অমৃতসৰৰ মাজিঠা অঞ্চলত। সোমবাৰে  নিশা এই ঘটনা সংঘটিত হোৱা বুলি জানিব পৰা গৈছে।

ঘটনা সন্দৰ্ভত প্ৰতিক্ৰিয়া প্ৰকাশ কৰিছে অমৃতসৰ আৰক্ষীয়ে। আৰক্ষীয়ে সদৰি কৰা অনুসৰি এই সন্দৰ্ভত মাজিঠা থানাত গোচৰ ৰুজু কৰা হৈছে আৰু অধিক ব্যৱস্থা গ্ৰহণ কৰা হৈছে। ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত প্ৰক্ৰিয়া। আৰক্ষীৰ দলে সুৰাৰ উৎসৰ সন্ধানতো কৰিছে তদন্ত । 

ইফালে প্ৰাথমিক তদন্ত অনুসৰি দেওবাৰে (১১ মে’)সন্ধিয়া একে স্থানৰ পৰাই এই সুৰা ক্ৰয় কৰা হৈছিল। সোমবাৰে পুৱাই এই লোকসকলৰ  মৃত্যু হৈছিল। অৱশ্যে পলমকৈহে আৰক্ষীয়ে লাভ কৰিছিল তথ্য।